Seguindo as directrices propias da titulación ofrecerase aos alumnos que cursen esta materia dous sistemas de avaliación: avaliación continua e avaliación única ao final do cuadrimestre. Avaliación continua A avaliación continua comprende as seguintes tarefas (co seu peso na nota final): - T1: Exercicios de decibelios (5%). - T2: Problemas de líñas de transmisión (30%). - T3: Cuestións/exercicios cortos sobre transmisión guiada (1 hora, 15%). - T4: Cuestións/exercicios cortos sobre transmisión por radio (30 minutos, 10%). - T5: Problemas de transmisión por radio (2 horas, 40%). A planificación das diferentes probas de avaliación intermedia aprobarase nunha Comisión Académica de Grao (CAG) e estará dispoñible ao principio do cuadrimestre Estas tarefas non son recuperables, é dicir, se un alumno non pode cumprilas no prazo estipulado o profesor non ten obrigación de repetirllas e só serán válidas para o curso académico no que se realicen. Para superar a materia mediante este sistema de avaliación é imprescindible obter un 30% da cualificación máxima de cada un dos seguintes bloques temáticos: Transmisión Guiada: T1 + T2 + T3. Transmisión por radio: T4 + T5 Se non se supera o 30% mínimo requerido nalgún dos bloques, a calificación oficial nunca será superior a 4,5. O estudante deberá decidir se opta pola avaliación continua no momento da entrega da primeira proba de resolución de problemas; nese caso, e sempre que supere o mínimo mencionado, recibirá a calificación que lle corresponda ao sumar as notas das diferentes tarefas de evaluación continua, independentemente de que se presente ao resto de probas ou non. Non presentarse a esta proba implica que se opta pola avaliación única.
Avaliación única Ademais do sistema de avaliación continua descrito anteriormente, o alumno pode optar por realizar un único exame final que terá dúas partes: - Primeira parte: cuestións/exercicios cortos (30%).
- Segunda parte: resolución de problemas (70%).
Segunda oportunidade Consistirán nun exame final con dúas partes como as descritas no apartado de avaliación única. Os estudantes que optaron polo sistema de avaliación continua poderán conservar se o desexan a nota dun dos bloques temáticos (transmisión guiada ou transmisión por radio) sempre que haxan superado o mínimo esixido. Convocatoria extraordinaria (fin de carreira) Aplicarase o sistema descrito no apartado de avaliación única. Copia En caso de detectarse a algún estudante copiando ou non respectando as instrucións dalgunha das probas de avaliación, instaráselle a abandonar a aula/laboratorio, a cualificación final será de SUSPENSO (0 puntos), e o feito será comunicado á dirección do Centro para os efectos oportunos.
Para superar a materia é necesario obter en calquera dos sistemas de avaliación e convocatorias, polo menos, un 50% na cualificación total. |