Esta materia está pensada para que a aprendizaxe sexa automática para aqueles que fan un seguimento continuo do traballo de clase. (É como aprender un idioma introducido nun grupo de conversación nese idioma: Basta con estar aí e participar no grupo).
Usaremos unhas ferramentas para realizar uns traballos. Explicaremos aos nosos compañeiros o que imos facer, como o imos facendo e finalmente o que realizamos. Con esta dinámica aprendemos a usar as ferramentas á vez que facemos un proxecto. Vemos como as usan os nosos compañeiros e como realizan os seus proxectos. Podemos axudar a outros e ser axudados por outros. Gozamos facendo e aprendemos a valorar tanto o noso traballo como o que vemos dos nosos compañeiros.

A evaluación apóiase moito nas valoracións e autovaloracións que, por grupos, fan dos traballos e presentacións dos seus companñeiros e da súa propia.

Para os que non seguen a evaluación continua, e para os que non demostraron os coñecementos o mínimos, hai unha Evaluación única ao finalizar o curso académico. Este exame consta de duas partes, de igual peso na nota final: unha parte escrita que incluirá como contidos posibles toda a materia, e unha parte oral relativa aos traballos adicionais que previamente terá presentado. Para aprobar deben obterse, polo menos, 4 puntos en cada parte e 5 puntos na nota final.