O idioma de imaprtición e avaliación é inglés. A asistencia a clase na avaliación continua é obrigatoria, salvo circunstancias excepcionais. A avaliación continua está basada nos tests de preguntas curtas, os traballos dos casos de estudio e a presentación. Existe unha primeira oportunidade de exame final na data oficial, ao que deben presentarse aqueles alumnos que non superasen a avaliación continua e desexen aprobar a materia. Este exame final será cualificado entre 0 e 10 puntos e inclúe todos os temas da materia xunto con conceptos e técnicas explicados globalmente para os casos de estudio. Para aprobar, o alumno debe obter, polo menos, cinco puntos. A entrega de calquera traballo tutelado ou test suporá a participación oficial na avaliación continua, o cal implica presentarse á materia aínda que non se realice o exame final. A avaliación continua consta das seguintes partes: Traballo 1: Asociado ao tema de análise de imaxes (25%). 20% polo traballo e 5% polo test. Traballo 2: Asociado aos temas de clasificación + análise (25%). 20% polo traballo e 5% polo test. Traballo 3: Asociado a todos os temas (40%). 30% polo traballo e 10% polo test. Presentación pública do traballo 3 (10%). Haberá unha segunda oportunidade de exame final ó fin de curso e consistirá nun exame para aqueles alumnos que non superasen nin a avaliación continua nin o exame final na primeira oportunidade. A nota da materia será a nota do exame final na segunda oportunidade. Este exame final será cualificado entre 0 e 10 puntos, e inclúe todos os temas da materia. Para aprobar, o alumno debe obter, polo menos, cinco puntos. O mesmo aplica a calquera oportunidade posterior, incluida a extraordinaria. |