Guia docente 2013_14 Escola de Enxeñaría de Telecomunicación

Grao en Enxeñaría de Tecnoloxías de Telecomunicación

Avaliación

	Descrición	Cualificación
Proxectos	Cada grupo de traballo entregará o proxecto da materia durante a penúltima semana do período docente. A entrega constará do deseño final, o código e a documentación xerada explicativa da implementación. Que o código entregado poida ser compilado e executado nos equipos dos laboratorios docentes é requisito necesario para superar esta avaliación. Os docentes valorarán en igual proporción o funcionamento do código entregado mediante unha batería de probas e o deseño utilizado para a implementación.	15
Presentacións/exposicións	Cada grupo de traballo xustificará nunha presentación a solución adoptada no seu proxecto. A presentación realizarase a última semana do perídodo docente cos profesores da materia.	5
Probas de resposta curta	Aproximadamente na semana 6 do período docente, cada alumno realizará individualmente unha proba no aula. Esta proba conxugará habilidades prácticas e a resolución de cuestións de resposta breve.	10
Estudo de casos/análise de situacións	Os alumnos, organizados en grupos, haberán de entregar o deseño do proxecto da materia. Entregarase aproximadamente na semana 10 do período docente.	10
Probas prácticas, de execución de tarefas reais e/ou simuladas.	Esta proba terá lugar a última semana do período docente. De forma individual cada alumno realizará un exercicio que demostre a súa competencia do uso das tecnoloxías da materia nunha contorna práctica.	10
Probas de resposta longa, de desenvolvemento	Exame escrito e individual, realizado na data indicada no calendario oficial de exames. A proba será unha combinación dos seguintes tipos de preguntas: resolución de problemas, cuestións breves para resolver aplicando os conceptos teóricos explicados en clase, xustificar razonadamente si unha ou varias afirmacións son verdadeiras ou falsas, pequenos tests sobre aspectos teóricos e de aplicación. Non se permite a utilización de apuntes, libros nin coleccións de problemas. O número e a combinación de devanditas preguntas fixarase para cada exame en particular.	50

Outros comentarios sobre a Avaliación
A avaliación da materia poderá seguir a canle de avaliación continua ou ben un exame final. AVALIACIÓN CONTINUA A AVALIACIÓN CONTINUA consiste nos apartados mencionados previamente. O alumno opta pola avaliación continua na semana 7, tras o primeiro puntuable da materia. Momento no que se crean os grupos de traballo para o desenvolvemento do proxecto da materia, a partir dese momento a súa nota nunca poderá ser "non presentado". A puntuación máxima de cada unha das actividades en evaluación continua é a seguinte: Proba escrita individual (calendario oficial): Máximo 5 puntos. Proba intermedia: Máximo 1 punto. Deseño do proyecto: Máximo 1 punto. Activiades relacionadas coa implementación do proxecto: Máximo 5 puntos. (Inclúe entrega do proxecto, presentación en grupo e proba práctica individual). Para a superación da materia o alumno debe obter un mínimo de 2 puntos na "Proba Escrita Individual" e unha puntuación total (resultante da suma das actividades puntuables) superior a 5 puntos. A nota máxima será de 10 puntos. EXAME FINAL A avaliación mediante un EXAME FINAL constará das seguinte partes (as probas non poderán ser recuperables): 1. Un exame escrito na aula (cuxa descrición coincide coa proba 5 da avaliación continua). O resultado deste exame suporá ata un máximo de 5 puntos e requirirase unha puntuación mínima de 2,5 puntos. 2. A realización dun proxecto individual que deberá ser entregado a última semana de docencia. Este constará de deseño, o código e a documentación xerada explicativa da implementación. Que o código entregado poida ser compilado e executado nos equipos dos laboratorios docentes é requisito necesario para superar esta avaliación. Os docentes valorarán a partes iguais o funcionamento do código entregado mediante unha batería de probas e o deseño utilizado para a implementación. A avaliación desta proba suporá ata un máximo de 2 puntos. 3. A realización dun exame práctico na aula informática, cuxa descrición coincide coa proba 4 de avaliación continua. A avaliación desta proba suporá ata un máximo de 3 puntos e requirirase unha puntuación mínima de 1,5 puntos. En calquera caso, a materia considerarase superada se o alumno obtén as cualificacións mínimas tanto no exame escrito como no exame práctico e unha puntuación total (resultado da suma dss obtidas nos apartados 1, 2 y 3) igual ou superior a 5 puntos. AVALIACIÓN FIN DE CURSO Para a avaliación FIN DE CURSO, non rexe a avaliación continua, polo que todos os alumnos acolleranse á modalidade de exame final tal e como se describiu anteriormente.