O método de avaliación proposto anteriormente aplicarase aos alumnos que se decidan polo procedemento,
recomendado, de avaliación continua (A.C.). Con obxecto de non prexudicar aos seus posibles compañeiros de grupo, o alumno terase que decidir nun breve prazo que lle indicará o profesor, contemplándose a título orientativo as dúas primeiras
semanas de clase do cuadrimestre. Unha vez seleccionado o método de A.C. o alumno considerarase presentado a efectos da avaliación. No caso de alumnos que opten por realizar unicamente o exame final, este suporá un 100% da nota. No entanto, estes alumnos terán que responder a unha serie de preguntas adicionais relacionadas cos traballos tutelados que demostren que adquiriron as mesmas competencias que os alumnos que opten por A.C.

Na  avaliación de Xullo realizarase unicamente un exame final, aínda que o alumno que realice a A.C. poderá
optar por manter a nota obtida no traballo tutelado, en lugar de resolver as cuestións relacionadas con dito traballo. En convocatoria extraordinaria (fin de carreira ) procederase de forma análoga ao caso de non seguir A.C. 

Para aprobar será necesario obter unha nota final igual ou superior a un 5 (nunha escala de 0 a 10) e unha nota igual ou superior a un 4 (na mesma escala) tanto no traballo tutelado como no exame final. A nota individual do traballo tutelado obterase como a suma das notas de dúas probas individuais (30% da nota do traballo tutelado) e da nota obtida en conxunto polo grupo (70%), se ben esta última ponderarase en función dos resultados das avaliacións cruzadas e a valoración do profesor sobre a contribución do alumno ao traballo en grupo. Normalmente o factor de ponderación será de 1, reservándose
os valores menores a 1 para os alumnos que entorpezan o funcionamento do grupo
ou amosen unha deficiente participación ou comprensión nas tarefas do traballo tutelado.
Así mesmo, o profesor poderá premiar a aqueles alumnos que destaquen
notablemente pola súa contribución ao traballo do grupo cun factor de
ponderación de ata 1.2, especialmente se xurdiron imprevistos no funcionamento do grupo. Se, por causa xustificada, un alumno non poidese realizar algunha das probas individuais correspondentes ao traballo tutelado, poderá recuperala respondendo algunha cuestión adicional na primeira oportunidade de exame final  (ou na segunda de non presentarse por causa xustificada ao exame).

No caso en que o alumno non teña nota de traballo tutelado, ou renuncie a ela na segunda oportunidade de exame final, a nota obtida no grupo de cuestións do exame relativas ao traballo tutelado considerarase como a nota de traballo tutelado e a nota obtida no grupo de cuestións restantes como a nota do exame final. A nota final obterase como a suma das notas do traballo tutelado e do exame final que cheguen a un 4, e dividindo o resultado da suma por dous. No caso en que non se chegue ao 4 nas dúas partes, a nota final será de 4 como máximo. De non acadar un 4 en ningunha das partes, a nota final será a menor das notas obtidas dividida entre dous.