1) Seguindo as directrices propias da titulación ofrecerase aos alumnos que cursen esta materia dous sistemas de avaliación na convocatoria ordinaria: avaliación continua e avaliación final. Os alumnos deberán optar por unha das dúas opcións de avaliación
antes da data límite de entrega da primeira proba.

a) Avaliación continua. A avaliación continua realizarase en base á
memoria da práctica de ordenador e probas realizadas nas outras sete prácticas. Tamén se avaliará
o traballo tutelado mediante a presentación do mesmo en clase. Haberá un exame parcial escrito no medio do cuadrimestre. A última tarefa da avaliación continua é un exame escrito ó final do cuadrimestre. Estas tarefas non son recuperables e só son válidas para o curso
actual.

b)Avaliación final. Os alumnos que non opten por avaliación continua realizarán un exame escrito que abarcará a parte teórica (50%) e outro exame escrito da parte práctica (50%)  na data oficial de exame acordada pola Escola.

2) Convocatoria estraodinaria (xullo). Os alumnos que optasen previamente por avaliación continua
poderán optar entre repetir os exames escritos (50% da nota) ou examinarse de novo de toda a materia (100% da nota) mediante dous
exames escritos que abarcarán a parte teórica (50%) e a parte práctica (50%). Comunicarán a opción que elixen antes da
data oficial do exame. O resto dos alumnos examinaranse de toda a materia mediante dous exames escritos que abarcarán a parte teórica (50%) e a parte práctica (50%).