Seguindo as directrices propias da titulación ofrecerase aos alumnos que cursen esta materia dous sistemas de avaliación: avaliación continua e avaliación ao final do cuadrimestre.

·        Avaliación continua. A avaliación continua realizarase en base ás memorias das oito prácticas, que se entregarán no prazo dunha semana desde a realización da práctica correspondente. Tamén se avaliará o traballo tutelado mediante a presentación do mesmo en clase. A última tarefa da avaliación continua é un exame escrito.  Estas tarefas non son recuperables e só son válidas para o curso actual.

·        Avaliación ao final do cuadrimestre. Os alumnos que non opten por avaliación continua realizarán un exame escrito que abarcará a parte teórica (50%) e outro exame escrito da parte práctica (50%)  na data oficial de exame acordada pola Escola.

Os alumnos deberán optar por unha das dúas opcións de avaliación antes da data límite de entrega a memoria da primeira práctica. Para poder optar á avaliación conímua é necesario ter entregado en prazo os exercicios propostos nas clases de teoría.

·        Recuperación no mes de xullo. Os alumnos que opten previamente por avaliación continua poderán optar entre repetir a última proba da avaliación continua (exame escrito) ou examinarse de novo de toda a materia mediante un exame escrito que abarcará a parte teórica (50%) e outro exame escrito da parte práctica (50%). Comunicarán a opción que elixen antes da data oficial do exame. O resto dos alumnos examinaranse de toda a materia mediante un exame escrito que abarcará a parte teórica (50%) e outro exame escrito da parte práctica (50%).