A) No caso de que o alumno opte por avaliación continua : 1. Será obrigatoria a asistencia ás clases prácticas de laboratorio e en aula informática, así como ás clases en grupos reducidos. Para que as clases en grupos reducidos sexan avaliadas, será obrigatoria a presentación, individual ou en grupo, dunha memoria escrita e realización dunha exposición oral do traballo desenvolvido. A cualificación global obtida da avaliación das clases prácticas e en grupos reducidos é do 20% da cualificación total da materia. 2. O resto da materia será avaliado a través de tres puntuables que conterán resolución de problemas, ademais de poder conter cuestións de resposta curta. Este tres puntuables suman o 80% da cualificación total da materia. O Primeiro Puntuable terá lugar ao redor da semana 6 de impartición da materia, e o segundo ao redor da 10. Ambos os puntuables durarán unha hora aproximadamente, e cada un correspóndese cun 10% da cualificación total da materia. Antes de realizar o Segundo Puntuable, o alumno comunicará por escrito ao coordinador da materia a súa decisión de acollerse ou non á avaliación continua, ou de ser avaliado só no Exame Final. O Terceiro Puntuable realizarase coincidindo co exame final dos alumnos que non se acolleron á avaliación continua. Este puntuable é o máis importante, e correspóndese co 60% da cualificación total da materia. B) No caso de que o alumno non se acolla á avaliación continua, teríase en conta unicamente a nota obtida no Exame Final (100% nota total materia). Este exame inclúe resolución de problemas (na súa versión extensa) e contestación a preguntas de resposta curta relacionadas con: a parte teórica da materia, as prácticas de laboratorio e en aula informática. Segunda Convocatoria (Xullo): En xullo presentaranse os estudantes que non superasen a materia na primeira convocatoria, debendo realizar un exame das mesmas características que o descrito na opción B. En particular, os estudantes que na convocatoria anterior elixiron avaliación continua, poderán optar nesta convocatoria por ser avaliados segundo a opción B (Exame Final) ou a A. Neste último caso, teránselle en conta as cualificacións obtidas na convocatoria anterior no Primeiro e Segundo Puntuable, nas clases prácticas (laboratorio experimental e aula informática) e no traballo en grupos reducidos; que terá un peso conxunto de ata o 40% da nota total da materia. Ademais, terán que realizar un puntuable similar ao "Terceiro Puntuable", que terá un peso de ata o 60% da nota total da materia. O alumno comunicará por escrito ao coordinador da materia a súa decisión de optar por unha ou outra forma de avaliación, con anterioridade á realización do exame. En caso de detección de plaxio
nalgún dos traballos/probas realizadas, a cualificación final da
materia será de suspenso (0) e os profesores comunicarán á dirección da
escola o asunto para que tome as medidas que considere oportunas. |