Esta materia impártese no segundo cuadrimestre do primeiro curso do Grao en Economía e é, xunto coa materia de Principios de Economía I que se imparte no primeiro cuadrimestre, a primeira toma de contacto dos alumnos coa Teoría Económica.
A función principal desta materia dentro do plan docente é a de preparar aos alumnos para que poidan cursar as materias de Teoría Macroeconómica a nivel intermedio dos cursos posteriores, en particular a Macroeconomía I e a Macroeconomía II ambas de terceiro curso.
Para iso, este curso debe proporcionar aos alumnos dúas clases de coñecementos. Por unha banda a comprensión dos problemas económicos e, doutra banda, a familiarización coas ferramentas analíticas que permitan analizalos.
