|
Na 1ª convocatoria o alumno/a terá a posibilidade de superar a materia a través da avaliación continua sempre que en cada proba obteña unha cualificación maior ou igual a 4 puntos sobre 10. Se o alumno/a non realizou a avaliación continua ou quere mellorar a cualificación obtida a través desta, poderá presentarse ao exame final escrito. Nese caso, a nota final da materia resultará da suma ponderada da nota obtida na avaliación continua, que supoñerá un 40% da nota final, e a nota obtida no exame escrito, que valerá o 60% restante da nota final. Para aprobar a materia será preciso obter unha nota igual ou superior a 5 puntos sobre 10. Na 2ª convocatoria manterase este mesmo criterio; é dicir, a nota da avaliación continua pondérase por un 40% e a nota do exame escrito por un 60%. Avaliación continua: O 40% (no caso de optar por presentarse ao exame final) ou o 100% da nota obterase mediante a avaliación continua do alumno, o que inclúe a asistencia tanto ás clases teóricas coma ás clases prácticas e a nota das probas que se realizan ao longo do curso. Concretamente, a puntuación será a seguinte: - Ata 10 puntos polas notas das probas realizadas.
A asistencia ás clases teóricas e clases prácticas é obrigatoria para poder realizar unha avaliación continua, polo que a ausencia inxustificada será penalizada segundo os seguintes criterios:
- 0-3 faltas sen xustificar: Non se restan puntos.
- 4-5 faltas sen xustificar: 1 punto menos.
- 6-7 faltas sen xustificar: 2 puntos menos.
- A partir de 8 faltas sen xustificar: A puntuación da avaliación continua reducirase en 2 puntos por cada nova falta
Exame escrito (ata 6 puntos): Realizarase un exame final escrito, no caso de que o alumno/a non realizase a avaliación continua ou desexe mellorar a cualificación obtida nela, que terá lugar na data oficial establecida no calendario de exames. Será necesario, para poder superar a materia, alcanzar unha nota de 5 puntos sobre 10 no exame. Os alumnos que non realicen a avaliación continua nin o exame final teñen dereito a figurar en actas como "non presentados"
NOTA IMPORTANTE SOBRE A 2ª CONVOCATORIA:
A cualificación que obtivesen os alumnos pola avaliación continua manterase na 2ª convocatoria. |
