1. A avaliación é continuada ao longo do curso e valórase a asistencia e participación nas actividades. Por conseguinte, só figura como Non Presentado en Acta aquel alumno que nunca asistiu ás clases teóricas, aos seminarios e ás prácticas. 2. A asistencia a teoría, prácticas e seminarios é obrigatoria para poder presentarse ás probas teóricas e/ou prácticas no fin do ano académico. As situacións particulares que impidan ou dificulten a asistencia a estas actividades, por exemplo, un contrato de traballo, enfermidade, etc. deben ser comunicadas á profesora nos 15 días inmediatos á aparición do problema, co fin de intentar buscar unha solución. 3. Da valoración correspondente ás clases teóricas, o 25% asígnase á proba integradora (15% preguntas cortas relacionadas con conceptos básicos e 10% á resolución dun caso real), o 15%, aos cuestionarios propostos en TEMA, realizados fora da aula e o 5% á asistencia e participación nas aulas e nos seminarios. 4. O traballo bibliográfico debe seguir obrigatoriamente as normas publicadas na plataforma TEMA e correspóndelle un máximo do 10%. . 5. Da cualificación asignada ás prácticas de laboratorio, o 10% corresponde á descripción dun espécime no laboratorio, incluíndo a elaboración do diagrama e fórmula florais, e o 20% restante, á identificación de "visu" de 5 especies correspondentes á lista publicada na plataforma TEMA. 6. Na cualificación das prácticas de campo, o 15% distribúese en 5% á asistencia e participación en todas as prácticas (laboratorio e campo). E o 10% restante corresponde ao herbario. 7. Para poder superar a materia en primeira opción é necesario ter aprobado, por separado, a "teoría" (probas teóricas + traballo deben superar o 25%) e "prácticas" (proba de laboratorio + herbario deben superar o 20%). No caso de non ser así o sumatorio da nota final multiplícase por 0,5. Dentro do mesmo ano académico consérvase a parte aprobada. No caso de suspender, a matriculación en cursos posteriores implica repetir a totalidade das probas escritas e presentar novamente o herbario, ainda que se pode obviar (previa comunicación á profesora no inicio do curso) a realización do traballo bibliográfico (nota do ano anterior) e a asistencia a teoría, prácticas e seminarios para presentarse ás probas. Tribunal Extraordinario para 5ª, 6ª e 7ª convocatorias: Presidente: Mª Luisa Castro Cerceda; Suplente: José María Sánchez Fernández Secretario: Castor Muñoz Sobrino; Suplente: Luis Navarro Etcheverria Vocal: Aida García Molares; Suplente: Luís González Rodríguez |