O horario da materia
pode consultarse en:
http://bioloxia.uvigo.es/es/docencia/grado-en-biologia/horarios

As datas de exames
poden consultarse
http://bioloxia.uvigo.es/es/docencia/grado-en-biologia/examenes

A materia divídese en catro
bloques avaliables: teoría, prácticas de laboratorio, seminarios e traballos
tutelados.

A avaliación é continua
ao longo do curso. Para poder ser avaliado de forma continua, o
alumnado deberá realizar todas as actividades planificadas para cada un dos
bloques.

TEORÍA

1. A avaliación da teoría (55%) será continuada ao longo do curso
e consistirá en 5 probas, 2 escritas sobre contidos teóricos (40%), a realizar
os días 26 de outubro de 2016 e 9 de xaneiro de 2017 e 3 cuestionarios "on
line" que valerán un 15%. Para poder superar esta parte debe obterse como
mínimo un 5 sobre 10 en cada unha das probas.

PRÁCTICAS

2. A parte práctica equivale ao 15% da nota final. As prácticas
de laboratorio son obrigatorias e avaliaranse a través dun exame práctico, que
se realizará no laboratorio o 6 de xaneiro de 2017 en horario de tarde. Para
poder superar esta parte debe obterse como mínimo un 5 sobre 10.

SEMINARIOS

3. A participación en seminarios implica un 5% da nota que se
corresponde á asistencia e participación activa nos seminarios.

TRABALLOS
TUTELADOS

4. A presentación de dous traballos
relacionados coa zooloxía valorarase cun 25% da nota. Para poder
superar esta parte debe obterse como mínimo un 4.5 sobre 10 en cada un deles.

Para poder
superar a materia é necesario
superar a teoría, prácticas e traballos tutelados por separado cunha nota igual
ou superior á mínima esixida en cada parte. No caso de non ser así, a suma da
nota final multiplicarase por 0.5.

A asistencia ás
prácticas e seminarios é obrigatoria
para poder presentarse ás probas teóricas e/ou prácticas en xuño ou xullo.

Presentarse a
dúas das actividades avaliables
independentemente de que o alumno realice ou non o resto figurará como suspenso
na Acta. Só os alumnos que nunca asistiran ás clases teóricas, seminarios,
prácticas ou non realicen ningunha das actividades avaliables figurarán na acta
como non presentados.

As situacións
particulares que impidan participar nas actividades de forma regular,
por exemplo ter un contrato de traballo, enfermidade, etc. deben ser
comunicadas ao coordinador da materia nos 15 días inmediatos á aparición do
problema, co fin de buscar unha solución.

Non se pode
cambiar de grupo de prácticas e/ou grupos de seminarios salvo causas excepcionais e, logo de solicitude ao
responsable da materia quen decidirá se o cambio é factible ou non unha vez
realizada a consulta coa coordinadora de 2º de grao.

A non asistencia
a calquera das actividades obrigatorias soa será xustificada en casos
excepcionais (p. ex. motivos de saúde, problemas familiares, esixencias dun
contrato de traballo.....) e non se xustificará ningunha ausencia debido a
actividades extra curriculares (p. ex. competicións deportivas non oficiais,
obter o carné de conducir, irse de viaxe..........).

Non se recollerá ningunha actividade solicitada fóra do prazo convido. As
datas indicadas no horario da materia son inamovibles.

Só conservaranse
as partes aprobadas por bloques,
para o resto das convocatorias do mesmo curso. Matricularse de novo da materia
implicará repetir todas as actividades.

IMPORTANTE

Confusións repetidas de conceptos básicos ou mala utilización da nomenclatura
científica nas distintas probas, pode implicar un 0 no conxunto da proba.

Se en calquera das
actividades se detecta copia, o alumno suspenderá automaticamente esa parte da
materia.

Se ben co sistema de
avaliación continua resulta máis doado aprobar unha materia, é máis difícil
conseguir unha boa nota. Para non prexudicar ao alumnado, no caso de que
se superase a materia sumaráselle un 5% da nota na convocatoria de
xaneiro.