Guia docente 2014_15 Facultade de Bioloxía

Avaliación

	Descrición	Cualificación
Prácticas de laboratorio	1. O nivel de coñecementos e competencias adquiridas no laboratorio avaliarase mediante Proba Escrita (pregunta curta, tipo test e resolución de casos prácticos) (18%). 2. A actitude e habilidades no laboratorio avaliaranse mediante Observación Sistemática (2%).	20
Resolución de problemas e/ou exercicios	A capacidade do alumno para resolver problemas e exercicios, explicados no laboratorio e na aula, avaliarase mediante Proba Escrita de 30 minutos de duración.	12
Traballos tutelados	A capacidade de obter e organizar información de forma autónoma avaliarase mediante cuestionario de 30 minutos (tipo test e pregunta curta), a responder consultando o tema elaborado. Os alumnos que deban recuperar esta proba na convocatoria de xullo ou seguintes entregarán o tema escrito a man.	10
Seminarios	A capacidade de comprensión, discusión e exposición de textos avaliarase mediante Observación Sistemática e Proba Escrita de 20 minutos de duración, a realizar durante cada seminario (3%+3%).	6
Probas de resposta curta	1. O nivel de coñecementos sobre os contidos do programa teórico avaliarase mediante dúas Probas Parciais (pregunta curta e tipo test) independientes, que cualifican un 25% respectivamente. O primeiro parcial é *eliminatorio e celebrarase o 26 de novembro. O segundo parcial e recuperación do primeiro terá lugar o 22 de decembro 2. A atención e participación do alumno durante as sesións maxistrais avaliarase mediante Observación Sistemática e control de asistencia (2%).	52

Outros comentarios sobre a Avaliación
Para superar a materia, o alumno deberá de: 1. Asistir aos Seminarios de Aprendizaxe Colaborativo e ás Prácticas de Laboratorio (só nestas últimas permítese unha única falta de asistencia, por causa de forza maior, sempre que se xustifique documentalmente). En caso contrario, haberanse de realizar en cursos seguintes. 2.Superar cun mínimo de 5 puntos sobre 10 o test sobre o tema de Traballo Tutelado, a realizar durante o semestre. En caso contrario, o alumno deberá entregar o tema manuscrito, nas convocatorias de xaneiro, xullo ou nas convocatorias oficiais de cursos seguintes. 3.Alcanzar unha nota mínima de 5 puntos sobre 10 en: - A proba de Prácticas de Laboratorio (a realizar ao final da semana de prácticas), a de Resolución de Exercicios, e o Primeiro Parcial de teoría (a realizar ambos o 26 de novembro). Calquera delas será recuperable nas convocatorias de xaneiro ou seguintes. - O Segundo Parcial de teoría, a realizar o 22 de decembro, sendo recuperable na convocatoria de xullo ou seguintes. Cumpridos os requisitos 1 a 3, a cualificación final do alumno será a obtida do sumatorio das notas porcentuadas de cada actividade e exame. En caso contrario, a nota final corresponderá á nota media das actividades suspensas. Consideraranse Non Presentados os alumnos que non realizasen algunha das probas ou actividades obrigatorias da materia. Probas de Autoevaluación desde Plataforma Tema: trátase de cuestionarios on-line, de curta duración e carácter voluntario, a realizar na aula desde Plataforma-Tema, sobre grupos de temas do programa teórico da materia. En función das cualificacións obtidas nestes tests, o alumno poderá incrementar ata 1 punto a nota do parcial correspondente sempre que esta supere os 4,5 puntos sobre 10. En caso de non aprobar a materia*, o alumno conserva as notas das probas e actividades superadas durante o curso, tendo que recuperar unicamente as suspensas, no exame de xullo ou nas convocatorias OFICIAIS de cursos seguintes.