Guia docente 2017_18 Facultade de Filoloxía e Tradución

Grao en Ciencias da Linguaxe e Estudos Literarios

Avaliación

	Descrición	Cualificación	Resultados de Formación e Aprendizaxe
Traballos de aula	Actividades prácticas de lectura e comentario crítico de textos ensaísticos. No caso do alumnado presencial, deberase expoñer oralmente unha reflexión crítica sobre o tema que aborden os textos lidos. No caso do alumnado semipresencial, a reflexión crítica sobre as lecturas deberá entregarse por escrito a través de faitic antes da data límite establecida ao inicio do curso.	30	A1 A2	B4 B6 B8	C3 C7 C17 C19	D2 D3 D9 D10
Traballos e proxectos	Trátase da realización dun traballo escrito no que se desenvolva un tema coas características do estilo ensaístico. O traballo deberá subirse a faitic en formato PDF e tamén se entregará impreso aos docentes antes do 25 de abril de 2018.	70	A5		C17 C19	D2 D6 D8 D9 D10 D11 D12

Outros comentarios sobre a Avaliación
1. PRIMEIRA EDICIÓN DE ACTAS (Maio-xuño 2018) Avaliación continua É obrigatorio realizar e entregar no prazo establecido as probas marcadas na avaliación. Os traballos non entregados ou entregados fóra de prazo non se avaliarán. A data límite de entrega do traballo será o 25 de abril de 2018, a través de Faitic (apartado de exercicios) e impreso (nas sesións presenciais e antes do 25 de abril de 2018). Os traballos de aula serán realizados durante as sesións presenciais. A cualificación na primeira edición de actas dos alumnos e alumnas que opten pola avaliación continua corresponderá ao cómputo das notas obtidas nas probas realizadas durante cúrsoo. Para superar a materia será necesario obter como mínimo un 4,75 en total. Avaliación única Neste caso, a avaliación poderá realizarse mediante un exame único, baseado nos contidos da materia, no que a nota constituirá o 100% da cualificación final. Este exame terá lugar ao final do cuadrimestre e estará fixada no Calendario de exames establecido e publicado pola FFT. A elección desta opción en ningún caso supón a perda do dereito á asistencia. Ao alumnado que escolla esta modalidade de avaliación recoméndaselle que consulte regularmente os documentos que se irán colgando en Faitic. 2. SEGUNDA EDICIÓN DE ACTAS (xullo 2018) Na segunda edición de actas a avaliación levará a cabo exclusivamente mediante un exame único, baseado nos contidos da materia. Este exame terá lugar na data oficial de xullo aprobada pola Xunta de Facultade e que figura tamén no Calendario de exames. Os alumnos e alumnas que non alcanzasen o aprobado na modalidade de avaliación continua e que se presenten nesta oportunidade de xullo deben ter en conta que non se gardarán en ningún caso as notas dos traballos de aula e do traballo escrito. 3. ALUMNADO SEMIPRESENCIAL O alumnado semipresencial seguirá a materia a través dos materiais que se irán subindo a Faitic xunto coas titorías presenciais que se fixarán ao comezo do curso. A avaliación do alumnado semipresencial coincidirá coa do alumnado presencial en canto ao traballo tutelado (entregado a través de Faitic antes do 25 de abril de 2018), pero en lugar dos traballos de aula terán que entregar un ensaio (3000 palabras) cunha reflexión crítica sobre as lecturas indicadas ao longo do curso a través de faitic. Este ensaio terá un valor do 30% sobre a nota final, e o traballo terá un valor do 70% da cualificación final. 4. OUTRAS OBSERVACIÓNS Nos alumnos e alumnas de avaliación continua, no caso de que tras a avaliación conxunta sexan necesarios ata 0,25 puntos para superar a materia, terase en conta a asistencia e participación regular e activa na clase. O estudantado Erasmus poderá realizar as probas coa axuda dun dicionario. Tanto no exame como no traballo escrito e no resto dos exercicios propostos ao longo do curso penalizaranse os erros ortográficos, os erros na expresión, as incoherencias sintácticas, etc.