Ao comezo do curso, o alumnado deberá indicarlle á docente a forma de
avaliación pola que optan, é dicir, avaliación continua  (traballos de
aula, presentacións, proxectos, probas, etc.) ou avaliación única (o
exame terá lugar na data indicada no calendario oficial de exames da
FFT). Os discentes que se acollan ao sistema de avaliación única
realizarán un exame no que terán cabida cuestións teóricas e prácticas. O
exame para o alumnado que opte pola modalidade de avaliación continua
terá lugar durante a última semana do curso. O alumnado que opte pola
avaliación continua e que non supere a materia ao final do cuadrimestre
poderán presentarse á convocatoria oficial de xullo e ás sucesivas
convocatorias, nas que non se gardarán as cualificacións obtidas a
través das probas, actividades e traballos realizados ao longo do curso. O exame de xullo constará dunha parte teórica e unha parte
práctica. Tanto nas probas como no resto dos exercicios propostos ao
longo do curso penalizaranse os erros ortográficos, os erros na
expresión, as incoherencias sintácticas, etc.; se durante a corrección
de actividades e traballos detéctase copia ou plaxio, os referidos
traballos non se valorarán.