Dámoslles a benvida á materia “Políticas Públicas. Da Análise dos Problemas Públicos á Implementación”.
Como comprobasen, trátase dunha materia especialmente interesante nas circunstancias actuais, nas que se intensificou o debate sobre que curso debe seguir a acción pública para dar resposta aos retos expostos pola crise.
A materia permitiranos pór de relevo a importancia de distintos aspectos que afectan á elaboración das políticas: a selección dos problemas que formarán parte da axenda das autoridades públicas e a maneira en que eses problemas son definidos; a formulación de alternativas para resolvelos, a toma de decisións públicas; e a implementación das políticas.
Ao longo da materia introduciremos un bo número de conceptos teóricos, polo que necesitamos a súa complicidade no estudo puntual das lecturas que propomos. Con todo, non é menos importante o que vostedes teñan tamén a oportunidade de aplicar os conceptos á análise da realidade que lles rodea. Por iso, ademais dalgúns traballos empíricos que terán que ler e analizar, tamén propomos a realización dalgúns sinxelos exercicios que nos axudarán nesta tarefa de aprendizaxe e animarán as nosas discusións.
