É RESPONSABILIDADE DO ALUMNO OU ALUMNA ESTAR ATENTO Á INFORMACIÓN SUBIDA E RECOMPILAR A INFORMACIÓN ESPECÍFICA E COMPLEMENTARIA QUE SEXA PRECISA PARA SUPERAR A MATERIA.

AVALIACIÓN CONTINUA

a. Proba teórica (40%): Inclúe os temas e contidos vistos na aula, complementados coa bibliografía. O alumno/a deberá presentarse a un exame nas datas que determine o calendario oficial aprobado en Xunta de Facultade. O exame consistirá nun test no que as preguntas terán tres posibles respostas, sumando cada unha das correctas x puntos e restando as erróneas a metade de x; de tal forma que dúas preguntas incorrectas anulan unha correcta. As preguntas non contestadas nin suman nin restan.

Para aprobar a parte teórica débese obter, como mínimo, un 2 sobre 4 puntos.

b. Parte práctica: as clases prácticas son presenciais e obrigatorias. A non asistencia ao 15% das clases prácticas supón a non aprobación desta parte por avaliación contínua. Na parte práctica realizaranse:

- Traballos semanais na aula (20%) relacionados co tema que, ao mesmo tempo, estea a explicarse nas aulas teóricas. Todos eses traballos serán, á súa vez, pasos previos do traballo final da materia.

- Traballo final (40%), que consistirá na organización colectiva dun evento público ao final do semestre. O programa do evento virará ao redor dun tema central que será decido na primeira semana de clase e compoñerase de diversos microeventos a desenvolver nunha mesma xornada, sendo responsable de cada un deles cada un dos grupos de traballo nos que se dividan os catro grupos prácticos da materia. 

Os 6 puntos da parte práctica dividiranse do seguinte xeito: 

- 4 puntos polo deseño, produción e execución do microevento en cuestión ao longo do curso.

- 2 puntos polo resto de traballos realizados.

Para superar, por tanto, a parte práctica da materia, debe obterse como mínimo, un 3 sobre 6 no conxunto de traballos feitos. 

Observacións sobre a avaliación continua:

• Para superar a materia é necesario aprobar as tres partes avaliables da mesma, acadando a nota mínima indicada para cada unha delas nos puntos anteriores.

• Os docentes valorarán engadir ata un punto na cualificación individual final do alumno/a se a súa asistencia ás clases teóricas foi superior ao 75% e foi participativa.

• En caso de non superar algunha das partes da materia (teoría, traballos en aula e traballo final), a nota final da convocatoria en cuestión será a mínima das notas obtidas nos distintos apartados que son avaliados, nunha escala de 0 a 10.

AVALIACIÓN GLOBAL

a. Proba Teórica: 40%

b. Traballos prácticos final: 40%

c. Traballos en aula: 20%

Para superar a materia é necesario aprobar as tres partes avaliables da mesma, acadando a nota mínima indicada para cada unha delas nos puntos anteriores.