1. A titora ou titor académico da universidade avaliará as prácticas desenvolvidas polos estudantes de conformidade cos criterios e fontes de información sinalados. 2. Para superar a materia do Prácticum o estudante deberá acadar o aprobado en cada un dos criterios de avaliación estabelecidos nos informes, tanto do titor/a do centro escolar como do titor/a académico. 3. A titora ou titor do centro escolar, como indica o art. 13 do Real Decreto 1707/2011, de 18 de Novembro, polo que se regulan as prácticas académicas externas dos estudantes universitarios, realizará e remitirá ao titor/a académico da Universidade a avaliación final. 4. Para facilitar o proceso de avaliación, antes do inicio das prácticas, o coordinador/a do Prácticum remitiralle ao centro escolar a folla de avaliación na que se reflictan as diferentes competencias obxecto de mesma. Particularmente, no referente á Memoria de Prácticas, sinalar: a. A Memoria das prácticas desenvolverase consonte o establecido no art. 14 do Real decreto 1707/2011, de 18 de Novembro. b. A través da guía docente, así como por outro tipo de orientacións, a Comisión de Prácticas estabelecerá anualmente as recomendacións precisas para unha correcta elaboración da Memoria. c. Para facilitar o proceso de avaliación cada titor ou titora contará coa correspondente folla de avaliación.
|