A planificación exposta nesta guía docente supón a aplicación dun sistema de avaliación continua, polo que supónse a asistencia das alumnas e alumnos e a súa participación e actitude activa nas actividades propostas. As prácticas nos grupos medianos están planificadas para que a maioría das actividades se realicen e entreguen na aula presencialmente. Enténdese que os estudantes que teñan algunha cualificación das actividades obxecto de avaliación seguen a avaliación continua e optan, por tanto, por este sistena de avaliación. Para ter en conta na avaliación continua as notas do traballo final e as actividades de aula, o exame non poderá ter unha nota inferior a 4 puntos para poder realizar a media das cualificacións. A avaliación por medio de exame, organizase en dous exames parciais eliminatorios, existindo tamén a posibilidade de recuperar na data oficial de exames a parte correspondente se se suspendera algún parcial. Se algún alumno/alumna debe recuperar o exame na convocatoria de xuño ou xullo, gardaríanse as notas da avaliación continua nesas convocatorias.
Os alumnos e alumnas que non opten pola avaliación continua deberán facer un exame oral sobre os contidos da materia que representará o 100% da cualificación. As datas e horarios das probas de avaliación das diferentes convocatorias son as especificadas no calendario de probas de avaliación aprobadas pola Xunta de Centro para o curso 2019-2020
En caso de conflito ou disparidade entre as datas dos exames, prevalecerán as sinaladas na páxina web da Fcetou. |