O alumno poderá optar ao principio do curso por dúas posibilidades de Avaliación:

1) Avaliación continua

Realizarase unha avaliación continuada ao longo do semestre, valorándose a participación en clase, a resolución de exercicios, casos prácticos e os traballos tanto en grupo como individuais. 

No caso de que o alumno que opte por este sistema non logre superar a materia mediante as súas achegas/traballos ao longo do curso;  o alumno realizará un exame final "abreviado"  (que porá a proba os coñecementos do alumno da materia e o nivel alcanzado nos Resultados de Aprendizaxe desexados); neste caso o valor desta proba será como máximo do 40% da nota final, debendo de ter o alumno un mínimo de puntos en cada parte: avaliación durante o curso e o exame).

Este modo é aplicable nas convocatorias do mesmo curso académico.

2) Avaliación non continua

Este sistema de avaliación pode ser elixido por todos os estudantes que non sigan  a forma anterior da avaliación. Consta dun exame de todos os contidos abordados ao longo de todo o curso.

NOTA .-% dos sistemas de cualificación reflicte o caso da avaliación continua con necesidade da avaliación teórica

As datas e horarios das probas de avaliación das diferentes convocatorias son as especificadas no calendario de probas de avaliación aprobado pola Xunta de Centro para o curso 2016-2017. No caso de conflito ou disparidade entre as datas dos exames prevalecerán as sinaladas na páxina web da FCETOU.