A planificación exposta nesta guía docente supón a aplicación dun sistema de avaliación continua, polo que a cualificación final obterase da avaliación das probas obxectivas periódicas, do traballo tutelado e a realización dun exame

Probas de carácter obxectivo: probas de carácter periódico, para valorar a correcta comprensión e aplicación dos contidos da materia. Consistirá en:

1.- A resolución de exercicios breves e estímase que o número total de traballos curtos serán dous ao longo de todo o cuadrimestre.

2.- Resposta a cuestións curtas e/ou de resposta múltiple. Estímase que o número total de controis por este medio de probas obxectivas ao longo do curso será de catro.

3.- Traballo tutelado: consistirá na elaboración en grupo dun traballo, destinados á aplicación dos conceptos e técnicas da materia de forma autónoma por parte dos estudantes, contando con atención personalizada para o seu seguimento. O traballo tutelado será entregado en data límite anunciada con suficiente antelación.

4.-Exame final: consistirá na resolución de exercicios breves e resposta a cuestións curtas e/ou de resposta múltiple. Parte teórica (preguntas curtas e/ou tipo test) (60%), práctica (40%). Será necesario aprobar ambas as partes por separado (5 puntos sobre 10).

Para aprobar a materia é necesario obter polo menos 5 puntos dun total de 10 pola realización do exame. A nota final será a suma de ambas as partes, avaliación continua e exame, para realizar a suma deberá terse aprobado o exame. Nota mínima para aprobar a materia 5.

Segunda convocatoria:A avaliación continua alcanzada durante o cuadrimestre gardarase para as convocatorias extraordinarias do presente curso académico. O exame constará dunha parte teórica (preguntas curtas e/ou tipos test) (60%) práctica (40%). Será necesario aprobar ambas as partes por separado (5 puntos sobre 10).

Alumnos que non seguen avaliación continua:Avaliarase ao alumno coa realización dun exame final que suporá o 100% da nota. O exame constará dunha parte teórica (preguntas curtas e/ou test) (60%) práctica (40%). Será necesario aprobar ambas as partes por separado (5 puntos sobre 10).       

As datas e horarios das probas de avaliación das diferentes convocatorias son as especificadas no calendario de probas de avaliación aprobado pola Xunta de Centro para o curso 2016-2017. En caso de conflito ou disparidade entre as datas dos exames, prevalecerán as sinaladas na páxina web da FCETOU.