1.-Ao comezo de curso, a/o alumna/o deberá manifestar a súa intención de acollerse
ao sistema de avaliación continua. A tal fin, os profesores da
materia proporcionaranlle un documento que a/o alumna/o deberá cubrir e
asinar nun determinado prazo.
2.- A/o alumna/o que se acolla ao sistema de avaliación continua,
entregando o citado documento, será avaliado conforme aos criterios que se indicaron
máis arriba: proba final escrita de resposta curta (20%), probas de avaliación continua tipo test (70%) e outras (10%).
Pero a/o alumna/o, que despois de someterse ás probas de avaliación continua tipo test -e tendo en conta as outras probas realizadas e a participación activa- obtivese unha nota final mínima de 5 sobre 10, non estará obrigada/o a realizar a proba escrita de resposta curta como requisito necesario para superar a materia.
3.- Para as/os alumnas/os que NON se sometan ao sistema de avaliación continua, a proba final escrita de resposta curta representará o 100% da
súa cualificación.
Segunda oportunidade de exame:
1.- As/os alumnas/os que se someteron ao sistema de avaliación continua conservarán para a segunda oportunidade de exame a nota obtida no curso.
2.- Na segunda oportunidade de exame realizarase unha proba escrita de resposta curta, que representará o 20% da nota das/os alumnas/os que se someteron ao sistema de avaliación continua.
Para as/os alumnas/os que NON se someteron ao sistema de avaliación continua, a proba escrita de resposta curta representará o 100% da súa nota.
ADVERTENCIA ESPECÍFICA PARA AS/OS ALUMNAS/OS QUE CONCORRAN Á CONVOCATORIA DE FIN DE CARREIRA:
O exame de fin de carreira consistirá nunha proba escrita de resposta curta que representará o 100% da nota das/os alumnas/os que concorran ao devandito exame.
As datas e horarios das probas de avaliación das diferentes convocatorias son as especificadas no calendario de probas de avaliación aprobado pola Xunta da Facultade de Dereito para o curso 2017-18.