Primeira oportunidade de exame:

1.- Ao comezo do curso, o/a alumno/a deberá manifestar a súa intención de acollerse ao sistema de avaliación continua. A tal fin, os profesores da materia proporcionaranlle un documento que o/a alumno/a deberá cubrir e asinar nun determinado prazo. 2.- O/a alumno/a que se acolla ao sistema de avaliación continua, entregando o documento sinalado no punto anterior, será avaliado conforme aos criterios que se indicaron máis arriba: proba final escrita de resposta curta (20%), probas de avaliación continua tipo test (70%), e outras (10%). Pero quen, despois de someterse ás probas de avaliación continua tipo test -e tendo en conta as outras probas realizadas e a participación activa- obtivese unha nota final mínima de 5 sobre 10, non estará obrigado a realizar a proba escrita de resposta curta como requisito necesario para superar a materia.3.- Para os/as alumnos/as que NON se sometan ao sistema de avaliación continua, a proba final escrita de resposta curta representa o 100% da súa nota. Segunda oportunidade de exame:1.- Os/as alumnos/as que se someteron ao sistema de avaliación continua conservarán para a segunda oportunidade de exame a nota obtida no curso. 2.- Nesa segunda oportunidade realizarase unha proba escrita de resposta curta, que representará o 20% da nota para os/as alumnos/as que se someteron ao sistema de avaliación continua. 3.- A proba escrita de resposta curta representará o 100% da nota para os alumnos que NON se acolleron ao sistema de avaliación continua. Advertencia específica para os/as alumnos/as que concorran á convocatoria de Fin de Carreira: O exame de fin de carreira consistirá nunha proba escrita de resposta curta que representará el 100% da nota para os alumnos que concorran ao devandito exame. As datas e horarios das probas de avaliación das diferentes convocatorias son as especificadas no calendario de probas de avaliación aprobado pola Xunta de Facultade para o curso 2015-16.