Aqueles alumnos/as que por circunstancias persoais ou profesionais non poidan participar presencialmente no desenvolvemento do curso poderán presentar por escrito os diferentes traballos realizados ao mesmo tempo que os asistentes, o cal lles suporá un 50% da avaliación final, mentres que a proba de resposta longa suporá o outro 50% da avaliación final. Aqueles alumnos/as que non poidan participar no desenvolvemento do curso presencialmente terán unha avaliación final que suporá o desenvolvemento por escrito de dúas preguntas longas do programa e suporá o 100% da avaliación. Tanto estes últimos alumnos coma os anteriores gozarán de atención personalizada nas titorías individualizadas previa cita cando o desexen. Na segunda convocatoria diferenciaranse as seguintes modalidades: A) Para os alumnos/as presenciais: terán que avaliarse daquela parte da programación docente que non superasen durante o curso. B) Aqueles alumnos/as que participan, aínda que non presencialmente na súa totalidade: terán que superar aquela parte da programación docente que non superasen. C) Aqueles alumnos/as que, presentándose unicamente a unha avaliación final, non a superen, deberán repetir esa mesma modalidade de avaliación na súa totalidade.