O obxectivo xeral desta materia é orientar ao aluno a partir do coñecemento dos principios de deseño e fabricación no entorno da enxeñería biomédica, e a través do manexo e aplicación das ferramentas CAD/CAM integradas no CAE, concibidas para o deseño, desenvolvemento e fabricación dun produto.
Os obxectivos específicos son:
* Coñecer a metodoloxía para o deseño de produtos biomédicos e os diversos factores e aspectos que interveñen no control do ciclo de vida do produto.
* Inserir ó estudante na cultura do deseño, abrindo a mente ás novas posibilidades, fomentando a innovación e a competitividade.
* Coñecer as tecnoloxías de fabricación para poder materializar os produtos deseñados.
* Coñecer as tendencias actuais e as bases tecnolóxicas sobre as que se sustentan e efectuar o seguimento das investigacións máis recentes sobre do deseño, a innovación e as tecnoloxías de fabricación.
* Ser capaz de extraer conclusións a partires da experiencia, na percura de solucións a problemas reais.
