1. AVALIACIÓN CONTINUA

A cualificación final no
sistema de avaliación continua determinarase a través das seguintes probas e
actividades:

• Proba 1. Este exame
  será tipo test, realizarase ao concluír o Tema 3, terá un carácter liberatorio
  e suporá o 20% da cualificación
  final da materia.
• Proba 2. Esta proba
  tamén será tipo test, realizarase ao concluír o período formativo vencellado á
  materia e suporá o 30% da cualificación
  final da mesma.
• Proba 3. Este exame
  consistirá no desenvolvemento de varios problemas, realizarase na data
  establecida polo Centro para o exame final na convocatoria ordinaria e suporá o
  30% da cualificación final da
  materia.
• Prácticas. O cumprimento
  das tarefas desenvolvidas durante as prácticas suporá o 20% da cualificación final da materia.

2. AVALIACIÓN GLOBAL

Para os estudantes que opten
por este sistema de avaliación, a cualificación final da materia será a obtida
nun exame global que realizarase na data establecida polo Centro na
planificación académica. Este exame dará a posibilidade de obter o 100% da
cualificación e constará de dúas partes:

• A primeira parte constituirá o 40% da nota
  final e tratarase dunha proba tipo test que abarcará todos os contidos teóricos
  e prácticos desenvolvidos ao longo do período formativo vencellado á materia.
  Unha condición necesaria, aínda que non suficiente, para superar a materia,
  será obter nesta parte unha puntuación mínima de 5, nunha escala do 0 a 10.
• A segunda parte completará o 60% restante
  e constará de varios problemas a desenvolver.

3. CONVOCATORIA EXTRAORDINARIA DE XULLO
(SEGUNDA OPORTUNIDADE)

Nesta convocatoria, a
cualificación será a obtida nun exame global das mesmas características que o
da convocatoria ordinaria.

Os estudantes que optaron
polo sistema de avaliación continua serán examinados daquela proba na que
obtiveron unha menor cualificación, manténdose a nota obtida en prácticas e nas
dúas probas restantes. Non obstante, se así o desexan, estes poderán cambiar ao
sistema de avaliación global, comunicándoo por correo-e unha semana antes do
exame.

4. COMPROMISO ÉTICO

Esperase que os estudantes
actúen de forma ética e honesta en todas as probas e actividades que se
desenvolvan ao longo do período formativo.

No caso de detectar unha
actuación fraudulenta nas actividades e probas de avaliación (copia,
utilización non autorizada de apuntamentos, libros, materiais, dispositivos
electrónicos, medios telemáticos e outros) considerarase que o estudante non
reúne os requisitos necesarios para superar a materia. Dito comportamento
implicará a cualificación de cero (suspenso) na acta da convocatoria
correspondente.