A Instrumentación Electrónica é a parte da electrónica que se ocupa da medición de calquera tipo de magnitude física, da conversión da mesma a magnitudes eléctricas e do seu tratamento para proporcionar a información adecuada a un sistema de control, a un operador humano ou ambos. A instrumentación ten dous grandes temas de traballo:
- O estudo dos sensores e dos seus circuítos de acondicionamento.
- O estudo dos equipos de Instrumentación, que se empregan na industria para a medida de calquera tipo de variable física.
