Avaliación continua: Valorarase o traballo da/o alumna/o ao longo do curso. Na cualificación
final, as probas realizadas ao longo do curso (prácticas e parciais) suporán un 60% e a
proba final (a realizar na data oficial) un 40%. Para superar a materia, será obrigatorio presentarse á proba final e deberase obter unha
cualificación superior a 3.5 puntos (sobre 10). En caso de non obter na proba final a cualificación mínima para superar a materia, a nota a aparecer na acta será o mínimo entre 4.9 e a cualificación final (ponderada). Segunda oportunidade: Na segunda oportunidade aplicarase o mesmo baremo que na avaliación continua, contando as probas realizadas ao longo do curso un 60% e a proba final un 40%.
Neste caso manteranse as cualificacións das probas realizadas ao longo do curso e só se repetirá a proba final, na que de deberá obter unha
cualificación superior a 3.5 puntos (sobre 10) para poder superar a
materia. En caso de non obter na proba final a cualificación mínima para superar a
materia, a nota a aparecer na acta será o mínimo entre 4.9 e a
cualificación final (ponderada). Avaliación global: Alternativamente ao sistema de avaliación continua, o estudantado poderá optar a ser avaliado cun exame final que suporá o 100% da cualificación. Neste caso, será necesario obter unha cualificación superior a 5 puntos (sobre 10) para poder superar a materia. No caso do alumnado matriculado na materia por primeira vez, a solicitude da avaliación global non exime da asistencia obrigatoria ás prácticas con apoio das TIC. De no cumprirse a asistencia, non se superará a materia, independentemente da nota do exame final. A solicitude para esta opción de avaliación terase que presentar no tempo
e forma que determine o Centro, que será publicado con anterioridade ao comezo
académico Outras consideracións:
A data, hora e lugar das probas finais publicarase na web oficial da Facultade de Ciencias do Mar.
http://mar.uvigo.es/alumnado/examenes/
Requírese do alumnado que curse esta materia un comportamento
responsable e honesto. Considérase inadmisible calquera forma de fraude
(copia ou plaxio) dirixida a falsear o nivel de coñecemento e
habilidades acadados en todo tipo de proba, informe ou traballo. As
condutas fraudulentas poderán supor suspender a materia durante un curso
completo. Levarase un rexistro interno destas actuacións para, en caso
de reincidencia, solicitar a apertura ao reitorado dun expediente
disciplinario. O uso de teléfonos móbiles para fins distintos aos docentes, non está permitido durante a duración das actividades presenciais. A comunicación por correo electrónico do estudiantado co profesorado deberá facerse empregando: (1) a mesaxería da plataforma Moovi; ou (2) o correo institucional (@alumnos.uvigo.gal). Igualmente, este correo é o que debe figurar na plataforma de teledocencia Moovi. |