Transcorrido o prazo dun mes desde o inicio do cuadrimestre, o alumnado disporá dun prazo de 10 días hábiles para manifestar, formal e por escrito, a súa intención de beneficiarse do sistema global de avaliación na convocatoria ordinaria do citado cuadrimestre, renunciando así a avaliación continua. Para iso, deberá enviar un correo electrónico ao profesor responsable da materia, cunha copia ao coordinador do máster (mcinternacional@uvigo.es). De non manifestarse esta intención, enténdese que o alumno segue a avaliación continua, renunciando á avaliación global na convocatoria ordinaria do dito cuadrimestre.

O alumnado que participe na avaliación continua e non reúna as cualificacións que lle permita alcanzar o 50% da avaliación terá que acudir á convocatoria extraordinaria. Aqueles alumnos que non cumpran unha asistencia mínima do 70% terán que presentarse ao exame final, ou a unha proba de avaliación específica.

Para a sesión de xullo, os alumnos terán que presentarse e aprobar o exame na data sinalada no calendario

.