Na empresa é necesario tomar decisións. As técnicas de investigación operativa constitúen un conxunto de ferramentas que permiten tomar decisións óptimas baseadas na información dispoñible. Nesta materia revísanse de forma introductoria os principais métodos de investigación operativa, incluíndo os seus principios de funcionamento, algoritmos, interpretación dos resultados, e aplicación práctica. O enfoque é eminentemente práctico e aplicado, e preténdese que o alumno sexa capaz de identificar as situacións nas que cada técnica é apropiada, e de aplicala de forma autónoma para a solución de problemas reais.
Materia do programa English Friendly: Os/as estudantes internacionais poderán solicitar ao profesorado: a) materiais e referencias bibliográficas para o seguimento da materia en inglés, b) atender as titorías en inglés, c) probas e avaliacións en inglés.
