Esta materia constitúe unha primeira aproximación ao coñecemento e deseño dos circuitos dixitais, sistemas físicos (hardware) sobre os que se executan a gran maioría de aplicacións das tecnoloxías da información inherentes ao título GETT. Polo tanto o obxectivo da materia é aportar uns fundamentos básicos que todo graduado debería ter.
Para iso, primeiro estudianse os elementos básicos que compoñen os diferentes circuitos dixitais e a súa representación gráfica. Máis adiante analízanse os circuitos combinacionais e secuenciais de aplicación xeral, os seus esquemas, símbolos lóxicos e os métodos de deseño baseados nas linguaxes hardware (HDL) que empregan o paradigma de arriba abaixo (top-down), é dicir, dende a descrición de alto nivel ata a síntese e a posterior realización física do sistema.
