Guia docente 2024_25 Facultade de Filoloxía e Tradución

Literatura e cultura do segundo idioma estranxeiro: Portugués

Avaliación

	Descrición	Cualificación	Resultados de Formación e Aprendizaxe
Traballo tutelado	Avaliarase un traballo de proxecto escrito de aproximadamente 12 páxinas (con introdución, parte principal, conclusión e bibliografía, seguindo as normas de estilo e de referenciación bibliográfica indicadas para o TFG), sobre un tema que se acordará co/a profesor/a. Un primeiro esbozo (como mínimo, a estrutura e a bibliografía) entregarase antes do final do período docente. A entrega da versión definitiva realizarase como mínimo ata dúas semanas antes da entrega das actas.	30	A1 A2 A3 A4 A5	B2 B4 B5 B6 B7 B8 B9 B10
Presentación	Durante o período de aulas, cada estudante realizará unha ou varias exposicións orais de aproximadamente 10-20 minutos sobre un tema que se acordará co/a profesor/a, acompañado de guión e bibliografía.	20	A1 A2 A3 A4 A5	B2 B4 B5 B6 B7 B8 B9 B10
Estudo de casos	Exame final escrito sobre temas tratados nas clases. O exame realizarase na data oficial indicada no calendario da FFT.	30	A1 A2 A3 A4 A5	B2 B4 B5 B6 B7 B8 B9 B10
Aprendizaxe colaborativa	Avaliación continua dos proxectos, comentarios, lecturas e outros traballos realizados ao longo do cuadrimestre.	20	A1 A2 A3 A4 A5	B2 B4 B5 B6 B7 B8 B9 B10	C4

Outros comentarios sobre a Avaliación
Pautas xerais As/os estudantes deberán escoller, de forma obrigatoria nas primeiras dúas semanas do cuadrimestre en cuestión, entre dúas opcións: un sistema de avaliación continua (cf. supra a descrición en “Avaliación”) ou un sistema de avaliación única. Recoméndase optar polo primeiro. A copia ou o plaxio en calquera das probas das avaliacións continua ou única poderá motivar a solicitude de apertura dun expediente sancionador, nas dúas edicións das actas. Alegar descoñecemento do que supón plaxio non eximirá o alumnado da súa responsabilidade nese aspecto. A persoa docente poderá facer unha proba de avaliación alternativa a maiores das contempladas nesta guía en caso de que sospeite de que algún traballo (oral ou escrito) ou exame (oral ou escrito) se teña feito total ou parcialmente usando ferramentas de Intelixencia Artificial sen telo declarado. Neste sentido, dada a imposibilidade de probar a utilización da IA, a mera sospeita por parte da persoa docente será condición suficiente como para que a proba suxeita a xuízo se anule e se substitúa pola proba alternativa, que se realizará en data e hora establecida pola persoa docente. *Avaliación continua* Para superar a materia, será preciso entregar coa regularidade requirida as prácticas de clase e obter unha nota mínima de cinco (sobre dez) enn todas as partes de avaliación. De non acadar a nota de cinco nalgunha destas formas de avaliación, non se realizará media. A non realización de probas ou exercicios parciais previstos polo sistema de avaliación continua (cf. supra a descrición en “Avaliación”) suporá a obtención dunha cualificación de 0 (cero) puntos nesta. A data do exame de avaliación continua coincidirá coa data do exame de avaliación única recollida no calendario oficial da FFT. *Avaliación única* Para superar a materia, será preciso superar cunha nota mínima de cinco (sobre 10) as tres probas seguintes: -Traballo tutelado (30%), coas mesmas características que o que se describiu máis arriba. Entregarase como moi tarde no día do exame oficial marcado do calendario da FFT. -Exame oral (30%). Duración mínima de 30 minutos, que versa sobre todos os contidos e textos de lectura obrigatoria da materia que se disponibilizarán no inicio do cuadrimestre. Realizarase no día do exame oficial marcado do calendario da FFT ou nun día alternativo acordado co/a profesor/a. - Exame escrito (40%). Exame escrito sobre temas tratados nas clases. O exame realizarase na data oficial indicada no calendario da FFT. Deberase obter nos tres casos unha cualificación mínima de 5 puntos (sobre 10) para poder efectuar media. A data do exame de avaliación única será establecido pola FFT e publicado no seu calendario oficial. *Segunda edición das actas* Os mesmos criterios de avaliación única aplicaranse na segunda edición das actas (xullo). O alumnado de avaliación continua que non supere a materia na primeira convocatoria e teña que acudir á segunda edición das actas terá que presentarse unicamente á parte que teña suspensa. En todo caso, recoméndase a asistencia regular ás aulas e ás titorías e a consulta dos materiais e informacións específicas na plataforma MOOVI, mesmo que non se siga o sistema de avaliación continua.