Esta materia proporcionaralle ao futuro docente coñecementos, liñas metodolóxicas, estratexias e recursos para favorecer a adquisición e desenvolvemento da competencia comunicativa e literaria do alumnado de Educación Infantil. Así, abordaranse aspectos relacionados coa lingua oral, os inicios da lectoescritura, a selección e análise de obras literarias, a mediación e prácticas lectoras, os xogos simbólicos, as dramatizacións, a creatividade... Todo isto articularase mediante procesos dinámicos e reflexivos, que requiran do papel activo do alumnado na busca de fontes de referencia, análises de contido, deseño e avaliación de propostas, creación de recursos...
