A asignatura "Sistemas de Telecomunicación Espacial" proporciona unha comprensión integral das tecnoloxías e sistemas utilizados na comunicación a través do espazo. En primeiro lugar, abórdase o estudo das tecnoloxías de radiofrecuencia e comunicacións ópticas, esenciais para a transmisión de datos no espazo. Profúndase no balance de enlace, analizando os cálculos necesarios para asegurar unha comunicación efectiva entre emisores e receptores. Ademais, examínanse os subsistemas de comunicacións entre estacións terrestres e satélites, así como os subsistemas que permiten a comunicación intersatelital. Tamén se cobren os sistemas de navegación por satélite.
Outro aspecto importante da asignatura é o estudo das antenas, onde se exploran os principios e deseños específicos para comunicacións espaciais. Analízase o rendemento e as aplicacións de distintos tipos de antenas en satélites e estacións terrestres.
Ademais, revísanse os sistemas de radiofrecuencia e a electrónica espacial, fundamentais para o deseño e operación de equipos no entorno espacial. Finalmente, considérase o segmento terreo, abordando a infraestrutura terrestre necesaria para soportar as operacións espaciais e o concepto de operacións, que inclúe a planificación e xestión de misións espaciais para asegurar unha comunicación eficiente e continua.
Materia do programa English Friendly. Os/ as estudantes internacionais poderán solicitar ao profesorado: a) materiais e referencias bibliografías para o seguimento da materia en inglés, b) atender as titorías en inglés, c) probas e avaliacións en inglés.
