Alumnado presencial: Terán consideración de asistenciais aqueles alumnos/as
que asistan a un 80% das clases prácticas e teóricas (Rexistrarase a asistencia con controis aleatorios). Alumnado non presencial: Terán a consideración de non asistenciais aqueles que superen o 20% de ausencias pasando automaticamente á modalidade non asistencial
a. Para superar a materia deberán ter aprobada a parte teórica e a parte práctica. De non ter superada a materia, as competencias non adquiridas serán avaliadas na convocatoria de xullo. As partes da materia superadas na 1ª oportunidade, non serán obxecto de avaliación na 2ª, considerándose, polo tanto, como aprobadas nese curso académico. b. En ningún caso faranse exames parciais nin modificación da data oficial. “As datas oficiais dos exames poden consultarse na web da facultade no espazo "datas exames" 2024-25. c. En coherencia co carácter inclusivo que caracteriza a Facultade de Educación e Traballo Social, esta guía poderá ser adaptada para atender ás necesidades específicas de apoio educativo que presente o alumnado adscrito ao programa PIUNE (PAT). d. Coa finalidade de favorecer a conciliación da vida laboral e a formación académica, os contidos, planificación, recursos metodolóxicos e sistema de avaliación adaptaranse para alumnado do curso ponte garantindo, en todo caso, a consecución das competencias e resultados de aprendizaxe establecidos neste documento. Abrirase un cartafol específico na plataforma Moovi na cal se informará das tarefas e probas de avaliación que guiarán o desenvolvemento desta materia para alumnado do curso ponte ou profesionais en exercicio".
|