Esta materia ofrece unha visión introdutoria dos conceptos e prácticas relacionados co desenvolvemento e despregamento de contratos intelixentes e aplicacións descentralizadas seguras. Os e as estudantes explorarán as especificidades da programación de contratos intelixentes e examinarán diversas vulnerabilidades e ameazas de seguridade específicas dos contratos intelixentes e as aplicacións descentralizadas. A través de exercicios prácticos, exemplos de casos reais e explicacións na aula, o alumnado aprenderá a empregar as mellores prácticas para mitigar os riscos e protexerse contra os ataques no ecosistema blockchain. Ao final do curso, dispoñerase de coñecementos e habilidades para desenvolver contratos intelixentes seguros e deseñar aplicacións descentralizadas robustas que poidan soportar os desafíos que presentan estas tecnoloxías.
