1. Primeira oportunidade (avaliación continua) Seguindo as directrices propias da titulación e os acordos da comisión académica ofrecerase ao alumnado que cursen esta materia un sistema de avaliación continua. A avaliación será en castelán. 1.a Probas de tipo test Realizaranse 3 probas de resposta curta (tipo test e/ou cuestións) debidamente programadas ao longo do curso. Estas probas valoraránse de 0 a 10 e a nota final será a media (NPRC ->Nota Probas Resposta Curta): NPRC = (NPRC1 + NPRC2 + NPRC3)/3 As probas non se poden recuperar,é dicir, que se alguén non pode asistir o día en que estean programadas o profesorado non ten obrigación de repetilas. A nota das probas ás que falte será de 0. 1.b Traballos tutelados Nas primeiras semanas do curso encargaráselle ao alumnado, individualmente ou por grupos (dependendo do número de persoas), que realicen un traballo sobre unha temática relacionada coa materia. Este traballo debe ser entregado e presentado nas últimas semanas do curso. A presentación dos traballos será debidamente programada polo profesorado da materia. Valoraranse o traballo realizado e a súa presentación cunha nota final (NT -> Nota Traballo) de 0 a 10. Se o traballo é en grupo, todos os do grupo recibirán a mesma nota que será a do traballo (NT). Quen non entregue o traballo ou non o presente no día indicado terá unha nota de 0. 1.c Prácticas de laboratorio Cada práctica avaliarase de 0 a 10 tendo en conta o traballo realizado no laboratorio e a memoria de dita práctica. A nota final de laboratorio (NPL -> Nota Prácticas Laboratorio) será a media da cualificación obtida nas prácticas: NPL = (NPL1 + NPL2 + … + NPLn)/n As prácticas poderanse facer individualmente ou por grupos (dependendo do número de persoas). Se as prácticas se fan en grupo, todos os do grupo recibirán a mesma nota (NPL). As prácticas non se poden recuperar, é dicir, que se alguén non pode asistir o día en que estean programadas o profesorado non ten obrigación de repetilas. A nota das prácticas ás que falte será de 0. 1.d Nota final da materia A nota final (NF) da materia será: NF = 0,4*NPRC + 0,4*NT + 0,2*NPL 2. Primeira oportunidade (avaliación única) O alumnado que non aprobe por avaliación continua (nota final menor que o 5), poderá presentarse a un exame final. O exame final realizarase nas datas que estableza a xefatura de estudos da Escola e consistirá nunha proba de resposta curta (tipo test e/ou cuestións) (NPRC), a entrega e presentación dun traballo, asignado con anterioridade, sobre unha temática relativa á materia impartida na materia (NT) e a entrega dun traballo de laboratorio (NPL) previamente asignado. Cada unha destas partes valorarase de 0 a 10. O alumnado poderase presentar a todas estas partes ou ás que considere oportunas. Conservaráselles a nota que sacasen na avaliación continua da parte á que non se presenten. O cálculo da nota final da materia realizarase como se explica no apartado 1.d. 3. Segunda oportunidade e convocatoria extraordinaria (fin de carreira) A segunda oportunidade e convocatoria extraordinaria terán o mesmo formato que a avaliación única (exame final) e realizaranse nas datas que estableza a xefatura de estudos da Escola. Quen se presente a estas convocatorias pode facelo a todas as partes ou só ás que considere oportunas. Conservaráselles a nota que sacasen na primeira oportunidade (avaliación continua ou avaliación única) das partes ás que non se presenten. O cálculo da nota final da materia realizarase como se explica no apartado 1.d. A nota final será a mellor da obtida nas diferentes convocatorias. 4. Validez das cualificacións As cualificacións da materia serán válidas só para o curso académico nas que se obteñen. |