Cada parte cualificarase sobre 10. O aprobado por curso, pola vía de avaliación continua, lógrase ao superar todas as partes. En caso de non superar algunha, pódense gardar as partes aprobadas para a segunda convocatoria. Para os que opten exclusivamente pola vía do exame final, este constará de teoría e práctica sobre a totalidade da materia. De ser necesario, neste caso, poderase habilitar una data complementaria a oficial para realizar a parte da práctica. A cualificación final por curso (CF) para os que opten pola vía de avaliación continua obtense do modo seguinte: CF = T*0,4+TrT*0,10+P*0,15+TrP*0,35 T=Exame sobre o temario impartido; TrT=Informes/memorias/exposicións ou traballos curtos presentados na clase; P=Entregas prácticas periódicas; TrP=Traballo final/proxecto de desenvolvemento dun produto a entregar ao final do curso. O aprobado por curso, pola vía de avaliación continua, acádase obtendo unha cualificación final (CT) igual ou superior a 5 puntos, de acordo coa fórmula anterior, sempre que en cada parte se supere o 40% da súa respectiva valoración máxima. As partes superadas (nota>=5) conservaranse ata a convocatoria do mes de xullo. O exame final realizarase na data sinalada polo centro e comprenderá tanto a parte teórica (50%) como a práctica (50%). A cualificación obtida será a nota do curso para os que opten só pola vía do exame final. Nesa mesma data efectuarán o exame de teoría (T) aos que opten pola vía ordinaria de avaliación coninua. Espérase
que o alumno presente un comportamento ético axeitado. No caso de detectar un
comportamento non ético (copia, plaxio, utilización de aparatos electrónicos
non autorizados, e outros) considerarase que o alumno non reúne os requisitos
necesarios para superar a materia. Neste caso a cualificación global no
presente curso académico será de suspenso (0.0). |