| Prácticas de laboratorio |
1ª PARTE
Proponse a realización dun traballo de deseño (trD), a realizar ao longo do cuadrimestre, que require de horas na casa ademais do apoio das sesións criativas en grupo e das titorías (nivel de dificultade en función da propia ambición de cada alumno), consistente nun deseño de produto e a correspondente proposta de comunicación do mesmo, ben partindo dun conxunto existente e dotándoo dalgunha innovación significativa, ben criando un novo produto (preferible). Para isto os alumnos deben realizar un traballo de investigación e innovación relativo ao deseño industrial partindo do coñecemento específico da súa historia e metodoloxías. Deberán realizar percuras bibliográficas, consultar diferentes e diversas fontes de información e bases de datos para, finalmente, tralo proceso de indagación e análise, propoñer un produto innovador dentro dos aspectos técnicos e estéticos do deseño industrial.
O proceso estará coordinado polo profesor desde a elección inicial do traballo a realizar, pasando polas sucesivas fases nas que o alumno terá que efectuar entregas parciais. Finalmente efectuará a presentación do produto deseñado e entregará a documentación pertinente.
2ª PARTE
Actividades de aplicación dos coñecementos adquiridos nas clases de teoría a situacións concretas que poidan ser desenvoltas no laboratorio da materia. |
| Aprendizaxe baseado en proxectos |
1ª PARTE
Realización de actividades que necesariamente requiren do esforzo creativo, da atención, a participación activa e a colaboración dos estudiantes entre sí e co profesor, tal como sucede nas etapas criativas do proceso de deseño. |
| Presentación |
1ª PARTE
Os estudantes, de acordo co profesor e baixo a supervisión deste, poderán encargarse desde o primeiro momento de elaborar e presentar algunhas partes dos temas de teoría, no horario a convir.
De cada un dos deseños elaborados na práctica, ademais da súa documentación en formato apropiado, o creador poderá efectuar unha breve presentación ao grupo. |
