|
A avaluación continua (AC, 40%) será avaliada mediante cuestionarios de cuestións obxectivas, teóricas e/ou prácticas, por aqueles estudantes que realizaran as tarefas propostas (prácticas, ...) polo profesorado durante o curso académico; os que renunciasen oficialmente á EC terán que realizar un cuestionario específico (CE) na primeira oportunidade da convocatoria do curso. Na segunda oportunidade (convocatoria de xullo), o alumnado que cursase a AC poderá escoller entre conservar a nota de AC ou realizar o CE da segunda oportunidade. A convocatoria de Fin de Grao avaliarase integramente mediante un exame (100%), é dicir, non se terá en conta a AC do curso anterior Utilizarase un sistema de cualificación numérica de 0 a 10 puntos segundo a lexislación vixente (RD 1125/2003, do 5 de setembro, BOE do 18 de setembro). Compromiso ético: Espérase que o estudante presente un comportamento ético adecuado. No caso de detectar un comportamento non ético (copia, plaxio, utilización de aparellos electrónicos non autorizados, e outros) considérase que o estudante non reúne os requisitos necesarios para superar a materia. Neste caso a cualificación global no actual curso académico será de suspenso (0,0). Non se permitirá a uso de ningún dispositivo electrónico durante as probas de avaliación salvo autorización expresa. O feito de introducir un dispositivo electrónico non autorizado na aula de exame será considerado motivo de non superación da materia no presente curso académico e a cualificación global será de suspenso (0,0). |
