|
Esta materia consta de duas partes. Na primeira parte (temas 1 a 4) vense conceptos básicos de Electrónica e na segunda parte (temas 5 a 9) vense conceptos sobre Regulación Automática. O peso de cada parte na nota final é dun 50%. Dado que as notas numéricas nas actas teñen que estar comprendidas entre 0 e 10 puntos [ver Real Decreto 1125/2003 do 5 de setembro (BOE do 18 de setembro) e o acordo do Consello de Goberno do 18/03/2004], cada parte da materia achega unha nota entre 0 e 5 puntos á nota final que se poñerá na acta. A nota final en calquera edición da acta (1ª oportunidade, 2ª oportunidade, Decembro e Fin de Carreira) obterase sumando as notas (entre 0 e 5 puntos) obtidas en cada unha das dúas partes da materia. Para poder aprobar a materia en calquera edición da acta é necesario obter unha nota mínima de 2,5 puntos (sobre 5 puntos) en cada unha das dúas partes. No caso de obter unha nota inferior a 2,5 puntos (sobre 5 puntos) nalgunha das partes, a nota final que figurará na acta será a suma das notas obtidas en ambas partes limitándoa a un máximo de 4 puntos. O calendario de exames aprobado oficialmente pola Xunta do Centro da EIAE atópase publicado na páxina web http://aero.uvigo.es/gl/docencia/exames. PARTE I da materia (Electrónica): Criterios de avaliación, relativos aos temas 1 a 4, correspondentes a calquera edición da acta, válidos tanto para persoas asistentes como para persoas non asistentes: as competencias adquiridas avalíanse mediante un exame escrito, no que se expoñen diversas cuestións e problemas sobre os temas 1 a 4 indicados no apartado Contidos desta materia. Cualificación: a nota correspondente á Parte I da materia será igual á nota que se obteña no exame, valorado sobre 5 puntos, sendo necesario obter unha nota igual ou superior a 2,5 puntos para aprobalo. O exame correspondente ás persoas que se presentan como non asistentes farase o mesmo día, á mesma hora e no mesmo lugar que o exame para as persoas asistentes. PARTE II da materia, AUTOMÁTICA: CRITERIOS DE AVALIACIÓN DA PARTE DE AUTOMÁTICA (VÁLIDOS PARA ASISTENTES E NON ASISTENTES, EN CALQUERA EDICIÓN DE ACTAS):
- Realización dunha proba de resposta curta relativa ás clases de grupo grande/teoría, valorada en 3.3 puntos. A duración desta proba será de 1.5 horas. Esíxese alcanzar un mínimo de 1.5 puntos.
- Realización dunha proba práctica relativa ás clases de grupo reducido/laboratorio, valorada en 1.2 puntos. A duración desta proba será de 1 hora (Esta proba realizarase para os alumnos asistentes nunha clase de grupo reducido durante a última semana de clases, e para os non asistentes despois da proba de resposta curta). Esíxese obter un mínimo de 0.5 puntos.
- Resolución dunha serie de exercicios e/ou problemas propostos, valorados en 0.25 puntos.
- A asistencia e a participación activa nas clases valórase cun máximo de 0.25 puntos.
Proceso de cualificación: no caso de obter o mínimo nas dúas probas, a nota final desta parte da materia será a suma do catro criterios descritos. No caso de non superar o mínimo nalgunha das dúas probas, a cualificación desta parte será dita suma, limitada a un máximo de 2.45 puntos.
O calendario de probas de avaliación aprobado oficialmente pola Xunta de Centro da EEAE atópase publicado na páxina web http://aero.uvigo.es/gl/docencia/exames
Notas para a parte de Electrónica:
_ As persoas que se
presenten como non asistentes teñen que comunicalo por escrito ao profesor de
teoría antes de que transcorran as 4 primeiras semanas do cuadrimestre. De non
facelo así serán connsideradas como asistentes. _Non se corrixirá ningún
exame de Electrónica ao que lle falte algunha das follas do enunciado ou ben
algunha das follas que se facilitan para responder as preguntas do exame. Nun exame non se
corrixirá ningunha resposta escrita a lapis ou cun bolígrafo de cor vermella ou
de cor verde. _ Á hora de representar símbolos de compoñentes electrónicos ou de
circuítos integrados só se poden utilizar os símbolos explicados nas clases. No
caso de electrónica dixital só se pode utilizar a simboloxía normalizada
ANSI/IEEE Std. 991-1986. De non facelo así, non se puntuará o correspondente
exercicio. Á hora de debuxar un diagrama de estados que describa o
comportamento dun sistema secuencial ou ben se utiliza un modelo de tipo Moore
ou ben se utiliza un modelo de tipo Mealy. En ningún caso se admitirá como
válido outro tipo de modelo (ou representación). _Non se pode fotografar o enunciado dos exames de Electrónica. Durante
os exames non se poden utilizar nin ter á vista libros, apuntamentos,
calculadora, teléfono móbil, tablet, etc. No caso de que unha persoa non cumpra
esta norma non se lle corrixirá devandito exame e poñeráselle un cero como nota
da parte I da materia. Durante a revisión dun exame non se pode ter á vista un
teléfono móbil ou tablet. De acordo co dereito fundamental á propia imaxe
recoñecido no art.18.1 da Constitución española prohíbese gravar (audio e/ou
vídeo) as clases teóricas, as prácticas e as titorías. Prohíbese fotografar o que escriba o profesor no
encerado durante as clases. No caso de detectar a
unha persoa copiando nun exame, a cualificación final será de SUSPENSO (0) e o
feito será comunicado á dirección do Centro para os efectos oportunos. |
