CRITERIOS DE AVALIACIÓN CONTINUA NA 1ª OPORTUNIDADE: Para que un/unha estudante aprobe a materia na primeira oportunidade, debe obter unha nota mínima de 5 puntos ao sumar as diferentes notas ponderadas, sempre e cando a nota de cada proba non sexa inferior a 3.5 sobre 10. En caso de non acadar nalgunha proba a nota mínima de 3.5, a nota resultante será o mínimo da media ponderada das notas acadadas e 3.5. Un/unha estudante debe seguir a avaliación continua cando se presente a algunha das probas parciais e deberá de seguir o procedemiento de avaliación descrito anteriormente. A duración máxima de cada proba será de 3 horas. As probas parciais serán despois da finalización de cada tema. Na proba final da 1ª oportunidade, os/as estudantes poderán recuperar as notas parciais. Todo/a estudante por avaliación continua terá nota numérica final seguindo o procedemento anteriormente descrito. A probas de avaliación continua realizáranse dentro do horario lectivo. CRITERIOS DE AVALIACIÓN NON CONTINUA: Haberá un sistema de avaliación para os/as estudantes que non opten a avaliación continua consistente nunha única proba onde se avaliará todos os contidos expostos ao longo do curso. Consistirá na resolución de problemas teórico/prácticos contando coa axuda do software estatístico R (100% da nota). A duración máxima da proba será de 3 horas. As competencias avaliadas e o resultados de aprendizaxe son todos os que se describen. CRITERIOS DE AVALIACIÓN CONTINUA E NON CONTINUA NA 2ª OPORTUNIDADE E EXTRAORDINARIA (FIN DE CARREIRA): O sistema de avaliación na 2ª oportunidade e Extraordinaria para todo o estudantado (con avaliación continua/non continua ou sen avaliar na 1ª oportunidade) será o mesmo que o empregado na 1ª oportunidade para estudantes sen avaliación continua. O calendario de probas de avaliación aprobado oficialmente pola Xunta de Centro da AERO atópase publicado na páxina web do centro http://aero.uvigo.es/gl/docencia/exames |