Guia docente 2022_23 Escola de Enxeñaría Aeronáutica e do Espazo

Avaliación

	Descrición	Cualificación	Resultados de Formación e Aprendizaxe
Resolución de problemas de forma autónoma	Realizaranse probas escritas e/ou traballos para evaluar a resolución de problemas de forma autónoma, ao longo do período de docencia.	10		B1	C17	D1 D4 D5 D8
Prácticas de laboratorio	Valorarase positivamente a realización das prácticas e a resolución dun cuestionario referido á montaxe, resultados obtidos e interpretación dos mesmos. A realización de cada práctica e presentación do informe de prácticas valorarase entre 0 e 10 puntos. Para iso é imprescindible asistir á práctica o día e hora fixados ao inicio do curso. Non haberá recuperación de prácticas. A avaliación do conxunto de prácticas é a media aritmética das puntuacións obtidas. A non asistencia ás prácticas, conlevará a nota de cero puntos na mesma, independentemente que o/a estudante entregue o correspondente informe. Unha vez realizada cada práctica fixarase o seu prazo de presentación.	20			C17	D1 D3 D4 D5 D6 D8
Exame de preguntas de desenvolvemento	Realizarase un exame xeral con dúas seccións, unha correspondente aos contidos de teoría de circuítos e a outra correspondente aos de máquinas e instalacións eléctricas, que poden incluír tanto cuestións teóricas como exercicios de aplicación. Cada sección valorarase de 0 a 10 puntos. A cualificación final deste exame calcularase mediante a media aritmética de ambas seccións. Aínda que se esixirá un mínimo dun 3 en cada unha das partes para poder superar a materia. Tamén se realizará unha proba parcial, correspondente á parte de Teoría de Circuítos (Tema II do apartado de Contidos). Para superar esta proba parcial, a nota obtida será igual ou superior a 5 puntos sobre 10, e terán dúas opcións para presentarse ao exame final: - Só á segunda sección: máquinas e instalacións eléctricas (Tema III e IV do apartado de Contidos). Neste caso conservarase a nota do exame parcial. - Facer o exame completo (dúas seccións), de querer subir nota na primeira sección. Neste caso, a puntuación corresponderase coa obtida en cada unha das seccións do exame completo, non conservándose a nota do exame parcial. En caso de non realizarse a proba parcial ou non superala o/a estudante, aplicarase directamente o parágrafo 1 e 2 deste mesmo apartado (exame xeral).	70		B1 B4	C17	D1 D3 D4 D5 D8 D13

Outros comentarios sobre a Avaliación
O calendario de probas de avaliación atópase publicado na páxina web http://aero.uvigo.es/gl/docencia/exames. Consideraráse por defecto que o/as estudantes seguen a materia na modalidade presencial. No caso de estudantes que queiran acollerse a unha modalidade non presencial, por circunstancias como ter responsabilidades laboráis ou outras que poidan ter unha consideración similar, deberán porse en contacto co responsable da materia. Estes/as estudantes deberán aducir motivos razoables e probados para tal elección e se lles indicará, en función de cada caso, como deben cursar e examinarse da metodoloxía de "prácticas de laboratorio" e "resolución de problemas de forma autónoma". O resto da evaluación será igual que para o/as estudantes presenciais. A nota ﬁnal obtense pola media ponderada dos ítem anteriores: Nota = 0,10 x Resolución problemas de forma autónoma + 0,20 x Prácticas + 0,70 x Exame De acadarse nalgunha das partes do exame xeral unha nota inferior a 3, aínda que a nota final sexa igual ou superior a 5,0 puntos, a nota máxima obtida será de 4,5 puntos. As prácticas de laboratorio e a resolución de problemas de forma autónoma son actividades de avaliación continua. As probas de avaliación continua realizaranse dentro do horario lectivo. O profesorado desta materia considera xustiﬁcado que o estudantado poida presentarse a un exame ﬁnal tendo opcións de aspirar á máxima cualiﬁcación posible. Por tanto aqueles/as estudantes que non puideron seguir a avaliación continua ou desexen mellorar a súa cualiﬁcación, poderán solicitar un exame adicional a continuación do exame xeral, tanto na primeira coma na segunda oportunidade, no que se incluirán preguntas relativas aos contidos da docencia das prácticas de laboratorio e resolución de problemas de forma autónoma, avaliable entre 0 e 10 puntos, e que suporá un 30% da cualiﬁcación ﬁnal. En caso de realizalo, a cualiﬁcación que se terá en conta para valorar as actividades de avaliación continua será a da derradeira nota acadada. En canto ás notas obtidas na proba parcial ou no exame ﬁnal da primeira oportunidade, conservarase para a segunda oportunidade, aquela sección superada na que se obtivera unha cualiﬁcación igual ou maior de 5 puntos sobre 10. Podendo presentarse: - Só á sección non superada. Neste caso conservarase a nota da sección xa superada. - Facer o exame completo (dúas seccións), de querer subir nota na sección xa superada anteriormente. Neste caso, a puntuación corresponderase coa obtida en cada unha das seccións do exame completo, non conservándose a nota da sección superada. Convocatoria ﬁn de carreira: o/a estudante que opte por examinarse en ﬁn de carreira será avaliado/a unicamente co exame xeral (que valerá o 100 % da nota). En caso de non asistir a devandito exame ou non aprobalo, pasará a ser avaliado/a do mesmo xeito que o resto de estudantes. Cada nova matrícula na materia supón unha posta a cero de todas as cualiﬁcacións obtidas en cursos anteriores. Segundo a normativa da Escola: A duración máxima dun exame será de 3 horas se non hai pausa ou de 5 horas se hai unha pausa intermedia (sendo 3 horas o máximo para cada parte). Por tanto: - a duración máxima do exame xeral será de 2,5 horas (correspondente a 1,25 h cada sección) - de presentarse o estudante ao exame adicional correspondente á parte de avaliación continua, realizarase unha vez rematado o exame, tras unha pausa, e a súa duración máxima será de 1,5 horas. Espérase que o estudantado presente un comportamento ético adecuado. En caso de detección de copia en calquera das probas (avaliación continua, exames parciais ou exame final), a cualificación final será de SUSPENSO (0) e o feito será comunicado á dirección do Centro para os efectos oportunos.