É preciso acadar un mínimo dun 4 na proba das convocatorias oficiais da materia para poder facer a suma do resto das cualificacións obtidas no cuadrimestre.

No caso de non facer seguimento da avaliación continua, o exame da convocatoria oficial suporá o 100 % da cualificación.

De non superar a materia na primeira convocatoria, as cualificacións obtidas no cuadrimestre gardaranse ata a realización do exame da segunda convocatoria.

No caso do estudantado coa materia pendente doutros cursos académicos, o docente poderá acordar a realización de traballos persoais que eviten que a cualificación obtida na convocatoria de exame, a que é preceptivo presentarse, supoña o 100 % da cualificación.