PRIMEIRA CONVOCATORIA: O alumnado presencial e o non presencial ten que
alcanzar o 50% en cada unha das probas para superar a materia.
SEGUNDA CONVOCATORIA: De non superar a materia, as competencias non
adquiridas serán avaliadas exclusivamente co exame da convocatoria de
xuño-xullo. Con todo, se o alumnado presentou e superou as partes
prácticas durante o curso, gardaráselle a nota para facer media co exame
da convocatoria de xuño-xullo, pero non se poderán presentar as
prácticas na segunda convocatoria.
ALUMNADO NON PRESENCIAL: O alumnado que non poida asistir á clase
regularmente, non poida seguir a avaliación continuada nin asistir a
titorización dos traballos, realizará as seguintes probas: 1.- Unha
proba de contidos teóricos (ata 5 puntos, 50%). 2.- Un traballo, a
determinar polo profesor/a (ata 3 puntos, 30%). 3.- O resumo de dous
libros, a determinar polo/a profesor/a responsable da materia (ata 2
puntos 20%). Para aprobar é preciso alcanzar o 50% da puntuación en cada
unha das 3 probas. Os criterios de avaliación da segunda convocatoria
son os mesmos tanto para o alumnado presencial como para o non
presencial.

As datas oficais de exame poden consultarse na páxina web da Facultade,
no apartado de organización académica, espazo "datas de exames".

As partes da materia superadas na 1ª oportunidade, non serán obxecto de
avaliación na 2ª, considerándose, por tanto, como aprobadas neste curso
académico.

En coherencia co carácter inclusivo que caracteriza a Facultade de Educación e Traballo social, esta guía poderá ser adaptada para atender ás necesidades específicas de apoio educativo que presente o alumnado adscrito ao programa PIUNE (PAT).

Coa finalidade de favorecer a conciliación da vida laboral e a formación académica, os contidos, planificación, recursos metodolóxicos e sistema de avaliación adaptaranse para alumnado do curso ponte garantindo, en todo caso, a consecución das competencias e resultados de aprendizaxe establecidos neste documento. Abrirase un cartafol específico na plataforma Moovi na cal se informará das tarefas e probas de avaliación que guiarán o desenvolvemento desta materia para alumnado do curso ponte ou profesionais en exercicio.