O alumnado deberá realizar as probas, traballos ou
exercicios que o profesorado dispoña como imprescindibles. O seguimento
realizarase na plataforma Moodle (MooVi, UVigo). A utilización dos materiais
postos a disposición do alumnado a través de MooVi deberá respectar os dereitos
de autor/a e serán cualificados cun cero calquera proba, traballo, ou exercicio
nos que se "copien no sustancial obras alleas, dándoas como propias"
(dlerae).

Para todo o alumnado especificaranse en MooVi as
metodoloxías docentes, e as actividades de avaliación, xunto co calendario de
entrega (presencial ou remota). O seguimento individualizado da participación
de cada estudante farase a partir das ferramentas propias da plataforma.

Todos os estudantes matriculados na materia teñen dereito a
realizar unha avaliación final (Artigo 12 do Regulamento de Estudantes da
Universidade de Vigo). Aquéles que non poidan acollerse á modalidade de
avaliación continua serán avaliados do programa da materia mediante actividades
a presentar vía remota.