O alumnado terá dúas opcións para superar a materia: 1. Renunciar á avaliación continua e solicitar a avaliación mediante un exame final, que suporá o 100% da nota, e que se celebrará na data oficial segundo se recolle na páxina web da facultade (http://fccee.uvigo.es). Para renunciar á avaliación continua é necesario enviar un correo electrónico ás docentes da materia antes do 15 de outubro de 2021. Por suposto, a asistencia a clase segue a ser altamente recomendable aínda que non se escolla a avaliación continua. 2. Acollerse á avaliación continua, que consta de tres partes: a. Actividades realizadas na aula vinculadas con lecturas, análise de datos, resolución de exercicios e/ou presentacións (10%). b. Un exame parcial, non eliminatorio, a mediados do cuadrimestre (20%). c. Un exame final, que inclúe todos os temas da materia, a celebrar na data oficial segundo se recolle na páxina web da facultade, http://fccee.uvigo.es (70%). Se a/o estudante non se presenta ao exame parcial (b), deixará de ser avaliada/o en réxime de avaliación continua e pasará a ser avaliada/o exclusivamente mediante o exame final. Tamén sairá da avaliación continua se a nota do exame parcial (b) non supera o 35% da súa puntuación máxima. De forma extraordinaria, aqueles/as estudantes que habendo obtido máis dun 35% da puntuación máxima no exame parcial queiran renunciar á avaliación continua, poderán solicitalo enviando un correo electrónico ás docentes antes do 15 de novembro de 2021. Na convocatoria Fin de Carrera, a avaliación realizarase, exclusivamente, cun exame final (que constituirá o 100% da nota). |