SISTEMA DE AVALIACIÓN: ====================== O sistema de avaliación por defecto é o sistema de avaliación continua. O alumno que desexe acollerse a un sistema de avaliación non continua deberá solicitalo oficialmente, no prazo e modo establecido para iso, na E.E.I. Se o alumno non solicita e obtén o veredicto favorable da renuncia á avaliación continua, enténdese que está no sistema de avaliación continua. O alumno que pense solicitar a renuncia de avaliación continua deberá notificarllo canto antes ao profesor. Recoméndase facelo ó principio de curso, ou antes de comezar a docencia. A avaliación realizásese en base ás rúbricas que se publican na plataforma TEMA da materia. CRITERIOS DE SUPERACIÓN DA MATERIA MEDIANTE AVALIACIÓN CONTINUA: ================================================================= Para superar a materia mediante a avaliación continua débense cumprir, simultáneamente, dúas condicións: a) Obter unha puntuación mínima de 4 sobre 10 en cada un dos apartados avaliables. *b) Obter unha nota media, ponderada segundo as porcentaxes indicadas anteriormente, mínima de 5 sobre 10. Se un apartado está suspenso, ou o alumno desexa mellorar a nota dun apartado, terá un máximo de dúas (2) oportunidades para facelo. Neste caso aplicarase, sobre a cualificación do apartado, un coeficiente corrector. A cualificación multiplicarase por 0,85 a primeira vez e por 0,75 a segunda vez. O prazo para ditas correccións será establecido polo profesor. CRITERIOS DE SUPERACIÓN DA MATERIA MEDIANTE AVALIACIÓN NON CONTINUA: ====================================================================== Os alumnos que opten por renunciar, oficialmente, á avaliación continua, deberán realizar un traballo tutelado polo profesor, consistente nun proxecto industrial ou similar, e unha proba de avaliación. Para obter a cualificación acharase a media proporcional (60% teoría e 40% prácticas). E obrigatorio obter unha cualificación mínima de 4 puntos sobre 10 posibles en cada unha das partes. Para superar a materia, o citado promedio deberá ser dun mínimo de 5 puntos sobre 10 posibles. COMPROMISO ÉTICO: ================== Espérase que o alumno presente un comportamento ético axeitado. Ao cursar a materia, o alumno, adquire un compromiso de traballo en equipo, colaboración e respecto aos compañeiros s e ao profesorado. No caso de detectar un comportamento non ético (copia, plaxio, utilización de aparellos electrónicos non autorizados e outros) considerarase que o alumno non reúne os requisitos necesarios para superar a materia. Neste caso a cualificación global no presente curso académico será de suspenso (0.0). |