A materia pode ser superada coa nota máxima mediante
avaliación continua ou avaliación única. Ambos os métodos de avaliación son
excluíntes. Os estudantes que asistan a máis de 2 sesións de laboratorio
considéranse que optan pola avaliación continua. 1. Avaliación continua
Os alumnos que opten pola modalidade de avaliación
continua terán dúas oportunidades de avaliación, a primeira oportunidade ao
finalizar o cuadrimestre e a segunda ao finalizar o curso (Xuño-Xullo).
A avaliación de primeira oportunidade consta dun conxunto
de probas que se realizarán ao longo do cuadrimestre. As datas de todas as
avaliacións publicaranse ao comezo do cuadrimestre. O peso e o contido das
probas son as seguintes: 1.1 Exame de preguntas obxectivas e/ou exame de preguntas de desenvolvemento (NExam): - Esta proba cobre todos os contidos
impartidos nas sesións de teoría. Consta de problemas e/ou preguntas curtos ou
de preguntas de múltiples respostas. - Terá unha duración de 1 hora e realizarase
en horas tipo A. - O estudante supera esta parte se
obtén unha nota NExam maior ou igual a 4 sobre 10.
1.2 Resolución de problemas e/ou
exercicios (NExerc): - Consiste nun conxunto de problemas e/ou exercicios de deseño que
se indican nas sesións de teoría e que os alumnos deben entregar en
determinadas datas previamente estipuladas. - O alumno realiza estas actividades en horas de traballo autónomo.
- O estudante supera esta parte se obtén unha nota NExerc maior ou igual a 4 sobre 10.
1.3 Prácticas de laboratorio (NPrac):
- O
estudante debe completar 4 das 5 sesións de prácticas para superar esta
parte.
- O
estudante debe implementar de forma correcta os circuítos descritos nos
guións das prácticas e entregar un informe de resultados correspondente a
cada práctica. A cualificación de cada práctica depende destes resultados.
- Pode ser
realizado de forma individual ou por grupos de 2 estudantes. Neste último
caso, e se ambos asisten á práctica, a cualificación é a mesma para os 2
estudantes.
1.4 Proxecto (NPro) :
- Debe ser
realizado por grupos colaborativos de 3 ou máis estudantes,
preferiblemente.
- O 70% da
nota final do proxecto ( NPro) obtense a partir da tarefa individual
asignada a cada estudante e o 30% das tarefas do grupo.
- Como parte
da tarefa individual inclúese un traballo teórico que se asignará a cada
estudante nas primeiras semanas do cuadrimestre. Este traballo consiste
nun estudo previo das tarefas para realizar no proxecto. Este traballo
previo representa o 5% da cualificación final do proxecto.
- No caso de
detección de plaxio ou abandono dalgún membro dun equipo de traballo, a
súa cualificación será suspenso (0) e non computará na cualificación do resto
do grupo.
- O
estudante supera esta parte se obtén unha nota NPro maior ou igual a 4 sobre 10.
1.5 Presentación do proxecto (PPro):
Cada alumno debe presentar os resultados do proxecto
de forma oral e/ou escrita. Estas actividades representan o 5% da nota final da
materia. 1.6 Cualificación final (Final_ac):
A cualificación final da avaliación continua obtense
da seguinte forma:
Final_ac = (NExam*0.2 + NExerc*0.1 +
NPrac*0.3 + NPro*0.35 + PPro*0.05) se NExam e NPro son maiores ou iguais a 4;
Final_ac = min[(NExam*0.2 + NExerc*0.1 +
NPrac*0.3 + NPro*0.35 + PPro*0.05), 4] noutro caso;
Os estudantes que non superen unha ou máis das probas
da avaliación continua na primeira oportunidade poden recuperar as seguintes
partes na segunda oportunidade:
- Pode
completar e defender de novo o seu proxecto e esta nota substitúe ás
anteriores ( NPro e PPro).
- Pode
realizar o exame teórico e esta nota substitúe á anterior ( NExam). - Pode realizar os problemas e/ou exercicios de deseño e esta nota substitúe á anterior (NExerc).
2. Avaliación única
Do mesmo xeito que a avaliación continua, os alumnos
que opten por avaliación única terán dúas oportunidades de avaliación, primeira
e segunda oportunidade. En ambos os casos a avaliación única constará das
seguintes probas:
- Un exame
no que se avalían todos os contidos teóricos da materia. Consiste en
varios problemas curtos e/ou preguntas de desenvolvemento e dura 2 horas.
Para superar o exame é necesario obter un 4 sobre 10. Esta proba
representa o 40% da nota final (NExam).
- Un exame
práctico de deseño de sistemas cun grao de complexidade similar ao das
prácticas de laboratorio realizadas na materia. A duración do exame será
de 2 horas. O peso desta avaliación representa o 20% da nota final
(Nprac).
- Un
proxecto individual cos mesmos obxectivos e complexidade que o proxecto
realizado na avaliación continua. Este proxecto representa o 40% da nota
final (NPro) e é necesario obter unha nota maior que 4 sobre 10 para
superar a materia.
A nota final (Final_au) obtense da seguinte maneira:
Final_au = (NExam*0.4 + NPrac*0.2 + NPro*0.4) se NExam
e NPro son maiores ou iguais a 4;
Final_au = min[(NExam*0.4 + NPrac*0.2 + NPro*0.4), 4]
noutro caso; 3. Outros comentarios
- O
estudante poderá redactar os seus informes, traballos, exames ou
presentacións en castelán, galego ou inglés.
- As notas
obtidas na avaliación continua ou única só son válidas para o
curso académico actual.
- Non se
permite o uso de libros, notas ou dispositivos electrónicos como teléfonos
ou computadores en ningún exame. Os teléfonos móbiles deben apagarse e
estar fora do alcance do alumno.
- En caso de
detección de plaxio nalgún dos traballos/probas realizadas a cualificación
final da materia será de suspenso (0) e os profesores comunicarán á
dirección da escola o asunto para que tome as medidas que considere
oportunas. |