Guia docente 2020_21 Facultade de Ciencias da Educación e Traballo Social

Avaliación

	Descrición	Cualificación	Resultados de Formación e Aprendizaxe
Traballo tutelado	Elaboración, preferentemente grupal, de traballos ou actividades prácticas relacionadas cos contidos teóricos da materia. Para o alumnado con modalidade asistencial, sexa presencial, a través do Campus remoto (non presencial), ou na modalidade mixta, as actividades prácticas realizadas na aula durante o curso serán avaliadas cada unha entre 1 e 2 puntos, podendo obter un total de 5 puntos entre o traballo desenvolto na aula (10%) e a actividade autónoma (40%). Para o alumnado non asistencial este apartado suplirase pola realización dun traballo teórico-práctico sobre os contidos dalgún dos bloques temáticos da materia, supervisado en titorías pola profesora para avaliar a adquisición e progresión das competencias requeridas. Deberá finalmente facer unha exposición do mesmo presencial ou virtual (nota máxima 5 puntos, correspondendo un máximo de 4 á calidade do traballo en sí e ata 1 punto o seguimento continuado do traballo pola profesora, sendo imprescindible un mínimo de 3 titorías continuadas para poder presentalo). Puntuación máxima da parte práctica: ata 5 puntos do total da nota. É preciso obter como mínimo 2.5 puntos neste apartado para poder superalo.	50	A1 A2 A3 A4	B1 B2 B3 B5 B6	C1 C2 C5 C7 C8 C9 C11 C20	D1 D2 D3 D4 D6 D7 D8 D9 D10 D11 D12 D14 D15 D16 D17 D18 D19 D20 D22 D24
Exame de preguntas obxectivas	Realización dun examen tipo test e/ou preguntas de resposta curta sobre os contidos do temario. As preguntas deixadas en branco non se terán en conta na cualificación. Puntuación máxima: ata 5 puntos da nota final. É preciso obter como mínimo 2.5 puntos para superar este apartado.	50	A1 A3	B6		D1 D2 D3 D4 D7 D8 D9 D18

Outros comentarios sobre a Avaliación
REQUISITO PARA PRESENTARSE ÁS PROBAS DE AVALIACIÓN: O alumnado deberá entregar ou subir a Faitic a súa ficha, debidamente cumprimentada e cunha fotografía tamaño carnet, nun prazo máximo de 3 semanas desde o inicio do curso académico, facendo constar expresamente a modalidade elixida (asistencial ou non asistencial) a través dun correo electrónico dirixido á profesora. Isto implica que, sexa unha ou outra a modalidade elixida, o alumnado deberá contactar necesariamente coa profesora a principios de curso (3 primeiras semanas) para comunicarlle a súa elección e poder ser convintemente avaliado. CRITERIOS DE AVALIACIÓN: Aplicaranse dous sistemas de avaliación tomando como criterio diferencial a asistencia ou non ás clases de grupo grande e mediano, dado que a planificación deste proceso de ensino-aprendizaxe esixe a presenza do alumnado, sobre todo naquelas relacionadas coa adquisición de competencias procedementais e actitudinais, o que implica facer un seguimento das asistencias mediante controles. Quen sen notificalo teña una asistencia por debaixo do 80%, o que equivale a 3 faltas en grupo grande e 3 en grupo mediano, será considerado a tódolos efectos como non asistencial, salvo causa debidamente xustificada (enfermidade ou pasamento dun familiar achegado, realización doutros exames...). * Modalidade asistencial: A nota final virá dada pola suma das puntuacións obtidas nos distintos apartados especificados no cadro superior, sendo preciso ter superados cada un deles ailladamente. * Modalidade non asistencial: A avaliación e a superación da materia virá determinada polo exame final (50% da nota final, sendo necesario obter como mínimo 2.5 puntos dos 5 que integran este apartado) e pola realización dun traballo tutelado pola profesora que haberá que presentar na data que se estableza previamente ou, como data máxima, o día da convocatoria oficial do exame (50% da nota restante, a razón dun 40% correspondente á calidade do traballo en sí, entendendo por tal a estrutura, contidos, aspectos formais, bibliografía..., e un 10% restante correspondente ao seguimento continuado do traballo polo profesorado, o que require, cando menos, tres titorías coa profesora). A nota final virá dada pola suma das puntuacións obtidas nos dous apartados, sendo preciso superar cada un deles ailladamente para poder facer a media. SEGUNDA CONVOCATORIA: As competencias non superadas, derivadas da totalidade e/ou de parte das probas/actividades obxecto de avaliación, poderán ser recuperadas na convocatoria de xullo, gardándose a nota da parte superada, tanto na modalidade asistencial como na non asistencial. Segundo a normativa vixente, con independencia da súa asistencia ou non ás clases o alumnado gozará de condicións equivalentes de avaliación. A data oficial dos exames pode consultarse na web da Facultade: http://educacion-ou.webs.uvigo.es/educacion-ou/web/index.php.